Friday, March 22, 2013

သမ္မာကျမ်းစာမှ လက်ရွေးစင် ပုံဝတ္ထု (၁၄)


နိုင်းမြစ်ထဲကမောရှေ
(ကျူပင်များကြားကပုခက်တစ်လုံး)

ယောသပ်၏ လက်ထက်တွင် အီဂျစ်ပြည်သူပြည်သားများက အစ္စရေးလ်လူမျိုးများ ကို ကြင်နာစွာ ဆက်ဆံခဲ့ကြတယ်။ ယောသပ် ကွယ်လွန်ပြီး နှစ်ပေါင်းများစွာ ကြာသောအခါမှာ ယောသပ်ကို မသိသော ဘုရင်တစ်ပါးး ပေါ်ထွန်းလာခဲ့တယ်။ ထိုဘုရင်က အစ္စရေးလ်လူမျိုးများကို ကြပ်တည်းစွာ ဖိနှိပ်ဖို့နဲ့ အီဂျစ်ပြည်အတွက် အလုပ်လုပ်ခိုင်းဖို့ ဆန္ဒရှိလာခဲ့တယ်။ သူက အစ္စရေးလ်လူမျိုးတွေ အလွန်များပြားလာပြီး အင်အား တောင့်တင်းလာမှာကို ကြောက်ရွံ့နေတယ်။ ဒါကြောင့် အစ္စရေးလ်လူမျိုးတွေထဲမှာ ယောက်ျားလေးမွေးရင် အကုန်သတ်ပစ်ရမည်ဟု အမိန့်ထုတ်ပြန်ခဲ့တယ်။

ဒီလိုအရေးပေါ်ကာလမှာပဲ အစ္စရေးလ်မိသားစုတစ်စုမှာ အလွန်ချစ်စရာကောင်းတဲ့ သားယောက်ျားလေးတစ်ဦးကို မွေးဖွားခဲ့တယ်။ သူ့ရဲ့မိခင်ဟာ တစ်ခဏတာတော့ သူ့ကို ဖွက်ထားနိုင်ပေမယ့် ရေရှည်မှာ သူမဟာ တခြားနည်းလမ်းတွေကို စဉ်းစားပြီး သူမရဲ့ ဆူဆူညံညံလုပ်တတ်သော ကလေးကို အီဂျစ်လူတွေ လက်ထဲက ကယ်တင်ဖို့ အစီအစဉ်တွေ ချမှတ်ရတော့မှာ ဖြစ်တယ်။ ဘုရားသခင်က တစ်ခုခုကိုတော့ ပြင်ဆင်ပေးမှာပဲလို့ သူမ ယုံကြည်တယ်။

သူမဟာ ဂမာကိုင်းပင်နဲ့ ပုခက်ကို ယက်လုပ်တယ်။ ပြီးတော့ ရေလုံအောင် ရေညှိ၊ သစ်စေးတို့နဲ့ သုတ်လိမ်းတယ်။ ပြီးတော့ ကလေးကို ပုခက်ထဲမှာ ထည့်ပြီး မြစ်တစ်ဘက်စွန်း ကိုင်းတောထဲမှာ ဝှက်ထားလိုက်တယ်။ သူမရဲ့ (၁၂) နှစ်အရွယ် သမီးဖြစ်သူ မိရအံကိုလည်း ကလေးနဲ့ မနီးမဝေးမှာ စောင့်ကြည့်ဖို့ တာဝန်ပေးထားခဲ့တယ်။

မကြာခင်မှာပဲ ဖာရောဘုရင်ရဲ့ သမီးတော်ဟာ ရေချိုးဖို့အတွက် သူမ အခြွေအရံတစ်စုနှင့် ရောက်လာတယ်။ သူတို့ဟာ ပုခက်ကို မြင်တွေ့သွားကြတယ်။ ဖာရောဘုရင်၏ သမီးတော် ဖြစ်သူ မင်းသမီးဟာ အစေခံတစ်ယောက်ကို လွှတ်ပြီး ပုခက်ကို ယူစေတယ်။ ပုခက်ကို ဖွင့်လိုက်တဲ့အခါမှာတော့ ကလေးငယ်ဟာ ချစ်စဖွယ် ငိုကြွေးနေတာ တွေ့လိုက်ရတယ်။ “ဤသူငယ်သည် အစ္စရေးလ်လူမျိုး ဖြစ်လိမ့်မည်” ဟု မင်းသမီးက အံ့သြစွာ ရေရွတ်တယ်။ သူမဟာ တခဏချင်းမှာပဲ ကလေးငယ်ကို အလွန်ချစ်ခင်သွားခဲ့တယ်။

ထိုအခါ ကလေးငယ်အား စောင့်ကြည့်ရန်တာဝန်ပေးခငြ်း ခံရသော အစ်မဖြစ်သူကလည်း ကလေးအတွက် အစ္စရေးလ် အမျိုးသမီးကလေးထိန်းတစ်ဦး ရှာဖွေပေးရန် အလိုရှိ မရှိ မေးလျှောက်ရာ၊ မင်းသမီးက သဘောတူ ခွင့်ပြုခဲ့တယ်။ ထိုအခါ သူမသည် အိမ်သို့ပြန်၍ သူမ၏ မိခင်ဖြစ်သူအား ဆောင်ယူခဲ့တယ်။

သူမ ၏ မိခင်ရောက်ရှိလာသောအခါ ဖာရောဘုရင်၏ သမီးတော်က “ဤသူငယ်ကို ယူသွား၍ ငါ့ဖို့ထိန်းလော့။ အခကို ငါပေးမည်” ဟု မိန့်တော်မူတယ်။ ထို့နောက် သူငယ်၏ မိခင်သည် သူ့ကို ဝမ်းမြောက်စွာဖြင့် အိမ်သို့ တဖန်ဆောင်ယူသွားခဲ့တယ်။ သူငယ်ကိုလည်း ထာဝရအရှင် ဘုရားသခင်၏ အကြောင်းများကို သွန်သင်ပေးခဲ့တယ်။

သူငယ်အရွယ်ရောက်ပြီး မိခင်ထံမှ ခွာနိုင်ချိန် ရောက်သောအခါမှာတော့ မင်းသမီးဟာ သူငယ်ကို နန်းတော်တွင်းရှိ သူမရဲ့ အိမ်တော်ကို ခေါ်ယူထားလေတော့တယ်။ သူငယ်ကိုလည်း မောရှေ ဟု အမည်ပေးခဲ့တယ်။
ထွက်မြောက်ရာကျမ်း ၁၊ ၂း၁-၁၀

“မောရှေသည် အသက်အရွယ်ကြီးသောအခါ အပြစ်ရှိသော ကာမဂုဏ်ကို ခဏ ခံစားခြင်းထက် ဘုရားသခင်၏ လူတို့နှင့်အတူ ညှဉ်းဆဲခံရခြင်းကိုသာ သာ၍ အိုရှိသဖြင့် ၎င်း အီဂျစ်ပြည်၏ စည်းစိမ်ထက် ခရစ်တော်ကြောင့် ကဲ့ရဲ့ခြင်းဒုက္ခသည် သာ၍ မြတ်သောစည်းစိမ်ဖြစ်သည်ကို စိတ်ထင်သဖြင့်လည်းကောင်း၊ ယုံကြည်ခြင်းစိတ် ရှိ၍ ဖာရောဘုရင် သမီး၏ သားဟူ၍ ခေါ်ဝေါ်ခြင်း အခွင့်ကို ပယ်၏။” - ဟေဗြဲ ၁၁း၂၄-၂၅

Thursday, March 21, 2013

သမ္မာကျမ်းစာမှ လက်ရွေးစင် ပုံဝတ္ထု (၁၃)



ယောသပ်၏အစ်ကိုများ အီဂျစ်ပြည်သို့ ရောက်ရှိလာခြင်း
(သူ၏ အိပ်မက်များ အမှန်တကယ်ဖြစ်လာပြီ။)

အီဂျစ်ပြည်မှာ ဒုတိယမင်းအဖြစ်ကို ရရှိပြီးနောက် ယောသပ်ဟာ သူလုပ်ဆောင်စရာရှိတဲ့ အလုပ်တွေကို မြန်မြန်ဆန်ဆန်နဲ့ သစ္စာရှိစွာ လုပ်ဆောင်ပါတယ်။ ဒီအချိန်မှာ အစာရေစာကြွယ်ဝပေါများတဲ့ ခုနစ်နှစ်ဟာ လျင်မြန်စွာနဲ့ ကုန်လွန်သွားခဲ့ပြီး၊ ငတ်မွတ်ခေါင်းပါးရာ နှစ်များစတင်ရောက်ရှိလာခဲ့ပါတယ်။ ယောသပ်ရဲ့ မိသားစုနေထိုင်ရာ ခါနာန်ပြည်မှာတောင် အစာရေစာ ရှားပါးလာပြီဖြစ်တယ်။ ထိုအခါ ဖခင် ယာကုပ်သည် အီဂျစ်ပြည်၌ စပါးရှိကြောင်း ကြားရ၍ ယောသပ်၏ အစ်ကို ဆယ်ယောက်တို့အား စပါးဝယ်ရန် စေလွှတ်ခဲ့တယ်။

အစ်ကိုတို့ဟာ အီဂျစ်ပြည်ကို ရောက်ရှိပြီး စပါးဝယ်ရန် ယောသပ်ထံသို့ ရောက်ရှိလာကြ၍ ယောသပ်ကို မမှတ်မိကြသော်လည်း ယောသပ်က သူတို့ကို မှတ်မိခဲ့တယ်။ အစ်ကိုတွေဟာ သူ့ရှေ့မှာ ဒူးညွှတ်ပြီး ခေါင်းကို မြေကြီးနှင့်ထိကာ ပျတ်ဝပ်အရိုအသေပေးနေကြတယ်။ ဒီအချိန်မှာ ယောသပ်ဟာ သူ့အိပ်မက်ကို ပြန်သတိရနေမယ်ဆိုတာ သံသယရှိစရာမလိုပါဘူး။ ယောသပ်ဟာ သူ့အစ်ကိုတွေရဲ့ စိတ်ထဲမှာ အရင်လို ဆိုးညစ်တဲ့ အကျင့်ဆိုးတွေ ရှိနေသေးလားဆိုတာ စမ်းသပ်ဖို့အတွက် သူတို့ကို ခပ်တန်းတန်း ဆက်ဆံဖို့ ဆုံးဖြတ်လိုက်တယ်။ သူလျှိုလာလုပ်တယ်ဆိုတဲ့အကြောင်းပြချက်နဲ့ သူတို့ကို ထောင်ထဲမှာ သုံးရက် ဆွဲထည့်ထားလိုက်တယ်။ သည့်နောက်မှာတော့ ရှိမောင် ကို ချန်ထားပြီး ကျန်တဲ့ အစ်ကိုတွေအားလုံးကို လွှတ်လိုက်တယ်။ နောက်တစ်ခေါက်မှာ သူတို့ ညီအငယ်ဆုံး ဗင်္ယာမိန်မပါရင် ထပ်မလာခဲ့နဲ့လို့လည်း ယောသပ်က သူတို့ကို သတိပေးလိုက်တယ်။

မကြာခင်မှာပဲ ဂျုံစပါးတွေ ကုန်သွားပြန်တယ်။ ဒီတစ်ခါတော့ ယောသပ်ရဲ့ အစ်ကိုတွေမာ ရွေးချယ်စရာ မရှိတော့ဘူး။ ဗင်္ယာမိန်ကို ခေါ်ပြီး အီဂျစ်ပြည်ကို ထပ်မံ ခရီးပြုကြပြန်တယ်။ ဒီတစ်ခါတော့ ညီအစ်ကိုတွေ အားလုံး ယောသပ်ရှေ့မာ ဦးညွှတ်ပြပ်ဝပ်ကြရတယ်။

ယောသပ်က သူတို့ကို ညစာနဲ့ တည်ခင်းဧည့်ခံတယ်။ သူတို့အတွက် စားပွဲမှာ ကြီးစဉ်ငယ်လိုက် နေရာချထားပေးတယ်။ သူတို့ဟာ အလွန်ပဲ အံ့သြကုန်ကြတယ်။ တိုင်းတပါးသားဘုရင်ဟာ ဘယ်လိုလုပ်ပြီး သူတို့ အသက်ကြီးစဉ်ငယ်လိုက်ကို သိသလဲဆိုတာ စဉ်းစားလို့ မရကြဘူး။ ဒီအချိန်မှာ ယောသပ်ဟာ ရင်ထဲမှာ အလွန်ဝမ်းနည်းလာတဲ့အတွက် မျက်ရည်ကို မထိန်းနိုင်တော့ဘဲ သူ့ရဲ့အခန်းထဲကို ပြန်ပြီး တိတ်တဆိတ် မျက်ရည်တွေ ကျရှာတယ်။

ယောသပ်ဟာ သူ့အစ်ကိုတွေ ရိုးသားမှု ရှိမရှိ ဒီတစ်ကြိမ် ထပ်မံစစ်ဆေးပြီးတဲ့အခါမှာတော့ သူတို့မှာ ဆိုးညစ်တဲ့ အကျင့်ဆိုးများ မရှိတော့ဘူးဆိုတာ သိလိုက်ရပြီ။ သူ့ရဲ့ အစေခံတွေနဲ့ ကိုယ်ရံတော်တွေကို အခန်းထဲက ထွက်သွားဖို့ အမိန့်ပေးလိုက်တယ်။ သည့်နောက်မှာတော့ ယောသပ်ဟာ ကျယ်သောအသံနဲ့ “ကျွန်ုပ်သည် အီဂျစ်ပြည်သို့ ရောင်းလိုက်သော သင်တို့ညီ ဖြစ်ပါ၏” ဟု ပြောပြီး ငိုကြွေးတော့တယ်။ ထို့နောက် သူ၏ ညီအစ်ကိုများအား မျက်ရည်လည်ရွဲ နမ်း၍ နှုတ်ဆက်လေရှာတယ်။

ယောသပ်ဟာ အစားအသောက်များ၊ လှည်းများကို ပေး၍ အစ်ကိုတို့အား အိမ်ပြန်စေတယ်။ သူတို့ကိုလည်း ဖခင် ယာကုပ်နှင့်တကွ တစ်မိသားစုလုံး အီဂျစ်ပြည်သို့ ပြန်ခေါ်လာမည်အကြောင်း မှာခဲ့တယ်။
ကမ္ဘာဦးကျမ်း ၄၁-၄၆

“ငါ့ပညတ်ဟူမူကား၊ ငါသည် သင်တို့ကို ချစ်သည့်နည်းတူ၊ သင်တို့သည် အချင်းချင်း ချစ်ကြလော့။” - ယော ၁၅း၁၂

Wednesday, March 20, 2013

သမ္မာကျမ်းစာမှ လက်ရွေးစင် ပုံဝတ္ထု (၁၂)



ဖာရောဘုရင်၏အိပ်မက်ကို အနက်ပြန်သူယောသပ်
(အကျဉ်းထောင်မှ ရွှေနန်းတော်သို့)

ရက်ပေါင်းများစွာ ကုန်လွန်ပြီးသည့်နောက် မှာတော့ ယောသပ်ဟာ အီဂျစ်ပြည်သို့ ရောက်ရှိလာခဲ့တယ်။ ကျယ်ပြော လှတဲ့ နိုင်းမြစ်ကြီးနှင့်တကွ လူသူ ထူထပ် များပြားလှသော မြို့ကြီးများက သူ့ကို မှင်သက် အံ့အားသင့်စေခဲ့တယ်။

ကုန်သည်တွေဟာ ယောသပ်ကို အီဂျစ်နိုင်ငံဘုရင်မင်းမြတ်ရဲ့ ကိုယ်ရံတော်တပ်မှူးပေါတိဖာထံမှာ ရောင်းစားပြန်တယ်။ ယောသပ် ဟာ ချောမောသောလုလင်ပျို တစ်ဦးဖြစ်သည့်အပြင် စိတ်သဘောထား ကောင်းမွန်ဖြောင့်မတ်၍ ယုံကြည်စိတ်ချရသူလည်း ဖြစ်တယ်။ မကြာမီမှာပဲ သူ့သခင်ပေါတိဖာဟာ ယောသပ်ကို အိမ်အုပ်အရာမှာ ခန့်ထားပြီး တစ်အိမ်လုံးကို စီမံခန့်ခွဲ အုပ်ချုပ်စေတယ်။

ပေါတိဖာရဲ့ ဇနီးဟာ အစပထမမှာတော့ ယောသပ်အပေါ်မှာ အလွတ်ပဲခင်မင်ခဲ့တယ်။ သို့သော် သူမ စိတ်ကျေနပ်စေမယ့် အရာတစ်ခုကို ပြုဖို့ ယောသပ် ငြင်းဆန်တဲ့အခါမှာတော့ သူမဟာ ယောသပ်ကို ရန်သူလို သဘောထားလာခဲ့တယ်။ သူမဟာ ယောသပ်ကို မဟုတ်မမှတ် စွပ်စွဲပြောဆိုခြင်းဖြင့် ဆိုးညစ်သောအမှုကို ပြုခဲ့တယ်။ ပေါတိဖာကလည်း သူ့ဇနီးရဲ့ စကားကို ယုံပြီး ယောသပ်ကို အလုံပိတ် ထောင်ထဲမှာ သံကြိုးနဲ့ ချည်နှောင်လိုက်တယ်။

ယောသပ်ဟာ ဘုရားသခင်ပေါ်မှာ သစ္စာရှိသူဖြစ်တယ်။ သူဟာ သူတပါးကို ကူညီအားပေးကြင်နာတတ်သူ ဖြစ်တယ်။ သူ့ရဲ့ သစ္စာရှိမှုနဲ့ ရိုးသားဖြောင့်မတ်မှုများကြောင့် မကြာခင်မှာပဲ ထောင်မှူးရဲ့ ယုံကြည်စိတ်ချမှုကို ခံရပြီး ထောင်သားများအားလုံးကို အုပ်ချုပ်ဖို့ တာဝန်လွှဲအပ်ခြင်း ခံရတယ်။

ယောသပ် အသက်သုံးဆ်ရောက်သောအချိန်မှာ ဖာရောဘုရင်ဟာ စိတ်နှလုံးပူပန်ဖွယ် အိပ်မက်တစ်ခုကို မြင်မက်ခဲ့တယ်။ သူ့ရဲ့ ကျွန်ရင်းတစ်ယောက်က ဖာရောဘုရင်ကို ယောသပ်ရဲ့အကြောင်း ပြောပြခဲ့တယ်။ ချက်ချင်းပင် ဖာရာဘုရင်ဟာ ယောသပ်ကို အခေါ်ရှိတော်မူပြီး “သင်သည် အိပ်မက်ကို နားလည်သော ဉာဏ်နှင့် အနက်ဖတ်နိုင်သည်ကို ငါကြားရပြီ” ဟု မိန့်တော်မူခဲ့တယ်။ ယောသပ်ကလည်း “ကျွန်တော်သည် အလိုအလျောက်မတတ်နိုင်ပါ။ ဘုရားသခင်သည် မင်္ဂလာအဖြေစကားကို ဖာရောဘုရင်အား ပေးတော်မူပါစေသော” ဟု လျှောက်ခဲ့တယ်။

ဖာရောဘုရင်ကလည်း “ငါသည် ဆူဖြိုးသော နွားခုနစ်ကောင် မြစ်ထဲမှ တက်သည်ကို မြင်ပြီး တစ်ဖန် ပိန်လှီသော နွားခုနစ်ကောင်တို့သည်လည်း မြစ်ထဲမှ တက်လာ၍ ဆူဖြိုးသော နွားခုနစ်ကောင်ကို မြိုလေသည်။ သို့သော် သူတို့သည် ပိန်လှီမြဲတိုင်း ပိန်၏။” ဟု မိန့်တော်မူတယ်။ ယောသပ်ကလည်း “အီဂျစ်ပြည် တစ်လျှောက်လုံးတွင် ဝပြောသောနှစ် ခုနစ်နှစ်ရှိလိမ့်မည်။ ထို့နောက်မှ အစာခေါင်းပါးသောနှစ် ခုနစ်နှစ် ပေါ်လာ၍၊ အီဂျစ်ပြည်၌ အလုံးစုံသော ဝပြောခြင်းသည် တိမ်မြုပ်လျက်၊ အစာခေါင်းပါးခြင်းအားဖြင့် တစ်ပြည်လုံး ပျက်ဆီးလိမ့်မည်။ သို့ဖြစ်၍ ဖာရောဘုရင်သည် ဉာဏ်ပညာနှင့် ပြည့်စုံသောသူကို ရွေးချယ်၍ အီဂျစ်ပြည်ကို အုပ်စိုးစေတော်မူပါ” ဟု လျှောက်တော်မူတယ်။

ထိုအခါ ဖာရောဘုရင်သည် ယောသပ်အား နိုင်ငံတော်တွင် ဒုတိယအမြတ်ဆုံးသော မင်း အရာ၌ ခန့်ထားတော်မူခဲ့တယ်။ ထာဝရအရှင်ဘုရားသခင်သည် သူ၏ မိတ်ဆွေ ယောသပ်အား မေ့လျော့ခြင်းမရှိပေ။
ကမ္ဘာဦးကျမ်း ၃၈-၄၁

“ထာဝရဘုရားကို ကြောက်ရွံ့၍ လမ်းခရီးတော်သို့ လိုက်သွားသမျှသောသူတို့သည် မင်္ဂလာရှိကြ၏။” - ဆာလံ ၁၂၈း၁

Tuesday, March 19, 2013

သမ္မာကျမ်းစာမှ လက်ရွေးစင် ပုံဝတ္ထု (၁၁)



ထူးဆန်းသောအိပ်မက်ရူပါရုံ
(ယောသပ်ရောင်းစားခံရခြင်း)

ခါနာန်ပြည်သို့ ယာကုပ်ပြန်ရောက်ပြီးနောက် အငယ်ဆုံးသားဗင်္ယာမိန်ကို မွေးခဲ့တယ်။ အခုတော့ ယာကုပ်ဟာ သား ဆယ့်နှစ်ယောက် ဖခင်ဖြစ်နေပါပြီ။ ယာကုပ်ရဲ့ သားသမီးတွေထဲမှာတော့ ယောသပ်ဟာ သူ့အသည်းပဲ ဖြစ်တယ်။ ယောသပ်ဟာ ရာခေလနဲ့ ရသောသားဖြစ်သည့်အပြင် အသက်ကြီးမှရသော သားဖြစ်သောကြောင့် တခြားသားသမီးများထက် ယောသပ်ကို ပိုချစ်တယ်။ ယောသပ်ကလည်း လိမ္မာရေးခြားရှိပြီး ဖြောင့်မတ်အေးဆေး တည်ငြိမ်သူလည်းဖြစ်လို့ ဖခင်ရဲ့ အထူးအရေးပေးခြင်းကို ခံရတဲ့သားအဖြစ် ယောသပ်ကို အရောင်အသွေးစုံ ဝတ်လုံတစ်ထည် ချုပ်ပေးခဲ့တယ်။ ဒါဟာ သူ့အစ်ကိုတွေကို အလွန်ပဲ မနာလို ဖြစ်စေခဲ့တယ်။

တစ်နေ့တော့ ယောသပ်က “ကျွန်ုပ်မြင်သောအိပ်မက်ကို နားထောင်ကြပါ။ ကျွန်ုပ်တို့သည် လယ်၌ ကောက်လှိုင်းကို စုစည်းနေကြစဉ် ကျွန်ုပ်ကောက်လှိုင်းသည် ထ၍ မတ်တပ်နေပြီး သင်တို့၏ ကောက်လှိုင်းတို့သည် ဝိုင်း၍ ကျွန်ုပ်ကောက်လှိုင်းကို ရှိခိုးကြသည်” ဟု ပြောခဲ့တယ်။ အစ်ကိုတို့ကလည်း “သင်သည် ငါတို့၌ မင်းပြုရလိမ့်မည်လော၊ ငါတို့ကို အစိုးရမည်လော” ဟု ယောသပ်ကို အထင်သေးစွာ ပြန်ပြောခဲ့တယ်။

နောက်ရက်အနည်းငယ်အကြာမှာလည်း “အခြားသော အိပ်မက်ကို မက်ပြန်ပါပြီ။ နေ၊ လနှင့် တကွ ကြယ်တစ်ဆယ့်တစ်လုံးတို့သည် ကျွန်ုပ်ကို ရှိခိုးကြ၏” ဟု ပြောကြားတဲ့အခါမှာတော့ ယောသပ်ရဲ့ အစ်ကိုများဟာ သူ့ကို အမှုန့်ကြိတ်ပစ်ချင်လောက်အောင် မုန်းတီးနေကြပြီ။ စကားကောင်းကောင်းတောင် မပြောချင်တော့တဲ့အထိ ဖြစ်ခဲ့တယ်။ ဒါပေမယ့် ဖခင်ကြီး ယာကုပ်ကတော့ ယောသပ်ပြောသောစကားများကို စိတ်ထဲမှာ တေးမှတ်ထားလိုက်တယ်။

တစ်နေ့ ယောသပ်ရဲ့ အစ်ကိုတွေဟာ သူတို့ရဲ့ သိုးဆိတ်တွေကို အိမ်နဲ့ဝေးရာမှာ ထိန်းကျောင်းနေကြစဉ် ဖခင်ကြီးဟာ ယောသပ်ကို ခေါ်ပြီး အစ်ကိုများနေထိုင်ကောင်းမကောင်း၊ အဆင်ပြေမပြေကို သွားရောက် ကြည့်ရှုဖို့ စေလွှတ်လိုက်တယ်။ ယောသပ်ရဲ့ အစ်ကိုတွေဟာ သူလာတာလည်း မြင်ရော “ဟော ဟိုမှာ လာနေတာ အိပ်မက်ဆရာကြီးမဟုတ်လား၊ သူ့ကို ဝိုင်းသတ်ကြစို့” ဟု အချင်းချင်း တိုင်ပင်ကြတယ်။ အစ်ကိုကြီး ရုဗင်သည် ယောသပ်အား သနား၍ အနီးရှိ တွင်းတစ်ခုခုထဲ၌သာ ပစ်ချထားဖို့ တခြားညီအစ်ကိုတွေကို သွေးဆောင်လိုက်တယ်။ သူ့ရဲ့ အကြံက နောက်မှ ယောသပ်ကို တွင်းထဲက ပြန်ဆယ်ပြီး ဖခင်ကြီးဆီကိ ပြန်ပို့ပေးရန်ဖြစ်တယ်။

ဒီလိုနဲ့ ညနေစောင်း ညစာစားနေစဉ်မှာ မိဒျန်အမျိုးသား ကုန်သည်တစ်စု လမ်းမကြီးအတိုင်း လာတာကို မြင်တာနဲ့ သူတို့အချင်းချင်း တိုင်ပင်ကြပြီး၊ ယောသပ်ကို ငွေ အကျပ် နှစ်ဆယ်နဲ့ ရောင်းစားပစ်လိုက်ကြတယ်။ ကုန်သည်တွေက ယောသပ်ကို အီဂျစ်ပြည်သို့ ခေါ်ဆောင်သွားတယ်။ ယောသပ်လေးဟာ အလွန်ပဲ ဝမ်းနည်းကြေကွဲခဲ့ရတယ်။

ယောသပ်ရဲ့ အစ်ကိုတွေက ဆိတ်တစ်ကောင်ကို သတ်ပြီး ဆိတ်သွေးထဲမှာ ယောသပ်ရဲ့ ဝတ်လုံကို နှစ်လိုက်တယ်။ သွေးအလိမ်းလိမ်းပေကျံနေတဲ့ ဝတ်လုံကို ယာကုပ်မြင်တဲ့အခါ သားရဲတစ်ကောင် ယောသပ်ကို ကိုက်သတ်သွားပြီလို့ ထင်ရှာတယ်။ ဖခင်ယာကုပ်ဟာ သားယောသပ်အတွက် များစွာ ပူဆွေးသောက ရောက်ခဲ့ရတယ်။
ကမ္ဘာဦးကျမ်း ၃၇

“အကြောင်းမူကား၊ ဂုဏ်ပြိုင်ခြင်း၊ ရန်တွေ့ခြင်းရှိလျှင်၊ မငြိမ်မဝပ်၊ ရုန်းရင်းခတ်ခြင်း ဆိုးညစ်စွာပြုမူခြင်း အမျိုးမျိုး ရှိတတ်၏။” - ယာ ၃း၁၆

Monday, March 18, 2013

သမ္မာကျမ်းစာမှ လက်ရွေးစင် ပုံဝတ္ထု (၁၀)



ကောင်းကင်တမန်နှင့်နပန်းလုံးခဲ့သူယာကုပ်
(အချိန်ကြာမြင့်စွာအဖိုးအခပေး၍ ရခဲ့သောသင်ခန်းစာ)

ယာကုပ်ဟာ ခါရန်မြို့မှာနေထိုင်စဉ် လာဗန်ရဲ့ သမီးရာခေလကို သူရဲ့ဇနီးဖြစ်စေလိုသောဆန္ဒ ကြီးမားလာခဲ့တယ်။ ဒါနဲ့သူက လာဗန်ကို “ရာခေလနှင့် ပေးစားမည်ဆိုပါက ခုနစ်နှစ် အစေခံပါမည်” ဟုဆိုတယ်။ လာဗန်ကလည်း သဘောတူလိုက်တယ်။

ဒီလိုနဲ့ မင်္ဂလာဆောင်မည့်နေ့သို့ ရောက်လာသောအခါ သတို့သမီးကို ယာကုပ်ရှိရာသို့ ဆောင်ယူလာခဲ့တယ်။ အဲဒီဒေသရဲ့ ထုံးစံရှိတဲ့အတိုင်း သတို့သမီးရဲ့ မျက်နှာကို မပေါ်လွင်အောင် ပဝါအထူကြီး အုပ်ထားရလေ့ရှိတယ်။ လက်ထပ်ပြီးလို့ ပဝါကို ဖွင့်ကြည့်တဲ့အခါမှာ သတို့သမီးဟာ သူချစ်တဲ့ ရာခေလမဟုတ်ဘဲ သူလုံးဝ မနှစ်သက်တဲ့ ရာခေလရဲ့ အစ်မဖြစ်သူ လေအာ ဖြစ်နေတာ တွေ့ရတယ်။

လှည့်စားခံလိုက်ရတဲ့အတွက် ယာကုပ်ဟာ အလွန်ပဲ စိတ်ပျက်ဝမ်းနည်းသွားခဲ့တယ်။ သူ ကိုယ်တိုင်လည်း ဖခင်ကြီးဖြစ်သူ ဣဇက်ကို သည်လိုပုံစံမျိုးနဲ့ လှည့်စားလိမ်ညာခဲ့ဖူးတယ်။ လာဗန်က “ငါတို့ ပြည်၌ သမီးအကြီးကို မပေးစားမီ၊ အငယ်ကို မပေးစားရ၊ နောက်တဖန် ခုနစ်နှစ် အစေခံသည့်အတွက် ရာခေလကိုလည်း သင့်အတွက် ပေးစားဦးမည်” ဟု ဆိုတယ်။ ယာကုပ်က သဘောတူလိုက်ပြီး ထပ်မံ၍ အစေခံရာ နှစ်စေ့သောအခါ၌ ရာခေလအား ဇနီးမယားအဖြစ် ရရှိလေတယ်။

ယာကုပ်ဟာ သူ့ရဲ့ ဦးလေးဖြစ်သူ လာဗန်ထံမှာ အနှစ်နှစ်ဆယ် အစေခံပြီးတဲ့အခါမှာတော့ သူ့ရဲ့ ပစ္စည်းဥစ္စာနှင့် တကွ မိသားစုများကို စုစည်းပြီး ခါရန်မြို့ကနေ ပြန်လည် ထွက်ခွာဖို့ ပြင်ဆင်တော့တယ်။ သူ့ရဲ့ မူရင်း နေရပ်ဖြစ်တဲ့ ခါနန်ပြည်ကို ပြန်လာရာလမ်းမှာ သူ့အတွက် အလွန်ထိတ်လန့်တုန်လှုပ်စရာသတင်းကို ကြားနေရတယ်။ ဘာလဲဆိုတော့ သူ့အစ်ကို ဧသောဟာ လူလေးရာကို ဦးဆောင်ပြီး သူ့ဆီကို လာနေတယ်ဆိုတဲ့ သတင်းပဲဖြစ်တယ်။ ဧသောဟာ သူ့ကို သတ်ပစ်မယ်ဟု ကြိမ်းဝါးခဲ့ဖူးကြောင်း ယာကုပ် မှတ်မိနေတယ်။

အဲဒီညမှာပဲ ယာကုပ်ဟာ သူ့ရဲ့မိသားစုကို ချောင်းတစ်ဖက်ကို ကူးစေပြီး၊ သူကတော့ ဆုတောင်းဖို့အတွက် နေရစ်ခဲ့တယ်။ သူတစ်ယောက်တည်း ရှိနေစဉ်မှာ လူတစ်ယောက်က သူ့ကို ချည်နှောင်ထားတယ်လို့ ခံစားရတယ်။ ဒါနဲ့ ယာကုပ်ဟာ အဲဒီလူစိမ်းကို မနက်ရောက်သည်အထိ ပြန်လှန် နပန်းလုံးခဲ့တယ်။ ထိုသူစိမ်းဟာ ဘုရားသခင်ရဲ့ ကောင်းကင်တမန်တော်ဖြစ်နေတယ်။ ထိုသူဟာ ယာကုပ်ကို ကောင်းချီးပေးပြီး၊ သူ့ရဲ့ နာမည်ကိုလည်း ဣသရေလဟု ပြောင်းလဲပေးလိုက်တယ်။

ဣသရေလနဲ့ ဧသော ဆုံတွေ့တဲ့အခါမှာတော့ နှစ်ယောက်လုံးဟာ စိတ်ဝမ်းမကွဲဘဲ ပြန်လည် သင့်မြတ်ခဲ့ကြတယ်။
ကမ္ဘာဦးကျမ်း ၂၉း၁၅-၃၅၊ ၃၀၊ ၃၁၊ ၃၂၊ ၃၃း၁-၁၆

“ထာဝရဘုရားသည် ဖြောင့်မတ်သောသူတို့ကို ကြည့်ရှုတော်မူ၏။ သူတို့ အော်ဟစ်သံကိုလည်း နားထောင်တော်မူ၏။” - ဆာလံ ၃၄း၁၅

Sunday, March 17, 2013

သမ္မာကျမ်းစာမှ လက်ရွေးစင် ပုံဝတ္ထု (၉)



ယာကုပ်အိမ်မှထွက်ပြေးရပြီ
(ဘုရားသခင်သည် အိပ်မက်အားဖြင့် ယာကုပ်ကိုသက်သာစေသည်။)

သူ၏ ကောင်းချီးမင်္ဂလာများ ဆုံးရှုံးသွားကြောင်းသိသွားသော ဧသောဟာ အလွန်ပဲ ဒေါသ ထွက်ခဲ့တယ်။ “ငါ့အဘကြောင့် ညည်းတွားရသော နေ့ရက်ကာလအချိန်နီးပြီ။ ထိုအခါ ငါ့ညီယာကုပ်ကို ငါသတ်မည်။” ဟု အကြံနှင့် ပြောခဲ့တယ်။

ထိုအကြောင်းကို ရေဗက္ကကြားသောအခါ သားငယ် ယာကုပ်ကို ခေါ်၍ သင်၏ အစ်ကို ဧသောသည် သင့်ကို သတ်သဖြင့် သင့်အမှု၌ စိတ်ကို ပြေလိမ့်မည်။ သင်၏ အစ်ကို စိတ်ပြေသည်တိုင်အောင် သူ့ထံမှ ခဏရှောင်၍ နေပါလော့” ဟု သတိပေးခဲ့တယ်။

ဒါနဲ့ ယာကုပ်ဟာ အိမ်မှထွက်ခွာ၍ ခါရန်ပြည်ကို တစ်ယောက်တည်း ခရီးထွက်ခဲ့တယ်။ ဒီလိုနဲ့ တစ်ညနေ နေဝင်ချိန်မှာ ညအိပ်ရပ်နားဖို့အတွက် ပြင်ဆင်ပြီး ကျောက်တုံးများကိုယူကာ ခေါင်းအုံးပြီး အိပ်စက်အနားယူလိုက်တယ်။ အဲ့ဒီညမှာ ထူးဆန်းတဲ့ အိပ်မက်တစ်ခုကို မက်မြင်ခဲ့တယ်။ ကောင်းကင်ကနေ လှေကားကြီး တစ်ခု ကျလာတာ မြင်ရတယ်။ ကောင်းကင်တမန်များကလည်း လှေကားတစ်လျှောက်မှာ တက်လိုက်ဆင်းလိုက် လုပ်နေကြတယ်။ လှေကားရဲ့ ထိပ်ဆုံးမှာတော့ ထာဝရအရှင်ဘုရားသခင် မားမားကြီး ရပ်နေတာ မြင်တွေ့ရတယ်။ ဘုရားသခင်က ယာကုပ်အား “သင်အိပ်သောမြေကို သင်နှင့် သင်၏အမျိုးအနွယ်အား ငါပေးမည်။ သင်သွားလေရာရာ၌ ငါစောင့်မမည်။ ဤပြည်သို့ တဖန်ဆောင်ခဲ့ဦးမည်” ဟု ကတိထားတော်မူခဲ့တယ်။

မနက်လင်းတဲ့အခါမှာတော့ ယာကုပ်လည်း အိပ်ရာက နိုးလာပြီး” အကယ်စင်စစ် ထာဝရဘုရားသည် ဤအရပ်၌ ရှိတော်မူ၏။ ရှိတော်မူကြောင်းကို ငါမသိ။ ဤအရပ်ကား တခြားမဟုတ်။ ဘုရားသခင်၏ ဘုံဗိမာန်၊ ကောင်းကင်တံခါးဝ ဖြစ်သည်တကား။” ဟု ကြောက်ရွံ့ခြင်းသို့ ရောက်၍ ဆိုခဲ့တယ်။ ထို့နောက် ခေါင်းအုံးအဖစ် အသုံးပြုခဲ့သော ကျောက်တုံးကို စိုက်ထူကာ ဆီလောင်းပြီး ဘုရားသခင်အား ကျေးဇူးတော် ချီးမွမ်းခြင်း ပြုခဲ့တယ်။

ဆက်လက်၍ ခရီးထွက်ခွာခဲ့ရာ ခါရန်မြို့အနီးရှိ ရေတွင်းတစ်ခုအနားသို့ ရောက်လာခဲ့တယ်။ ရေတွင်းနားမှာ နားနေစဉ်မှာပဲ သူ့ရဲ့ ဝမ်းကွဲနှမတော်သူ ရာခေလနှင့် ပြန်လည် တွေ့ဆုံခဲ့ရတယ်။

ယာကုပ်ဟာ ရာခေလကို တွေ့တွေ့ချင်း တခဏတည်းမှာပဲ သူမကို ချစ်ခင် စွဲလန်းသွားခဲ့တယ်။ သူမကို ဇနီးမယားအဖြစ် ပိုင်ဆိုင်လိုသောစိတ်သည်လည်း အလွန်ပင် ပြင်းပြလာခဲ့တယ်။
ကမ္ဘာဦးကျမ်း၊ ၂၇း၃၀-၄၆၊ ၂၈၊ ၂၉း၁-၁၄

“ထာဝရဘုရားကို ကြောက်ရွံ့တတ်သောသူတို့ ပတ်လည်၌ ကောင်းကင်တမန်တော်တို့သည် တပ်ချ၍ ကယ်လွှတ်တတ်ကြ၏။” - ဆာလံကျမ်း ၃၄း၇

Saturday, March 16, 2013

သမ္မာကျမ်းစာမှ လက်ရွေးစင် ပုံဝတ္ထု (၈)



ကောင်းချီးမင်္ဂလာများ တပွေ့တပိုက်ရယူသွားသူယာကုပ်
(မွေးရာပါအခွင့်ထူးကိုရောင်းစားခဲ့သူ ဧသော)

အာဗြဟံ သေသောနောက် ဘုရားသခင်သည် ဣဇက်အား ကောင်းချီးမင်္ဂလများစွာ ချပေး သနားတော်မူတယ်။ ဣဇက်မယားရေဗက္ကာသည် တစ်ဆယ့်ကိုးနှစ် အတွင်း သားဖွားနိုင်ခြင်းမရှိပေ။ ထိုအခါဣဇက်သည် ထာဝရ ဘုရားသခင်အား ဆုတောင်းသောအခါ ဘုရားသခင်သည် နားညောင်းတော်မူခဲ့တယ်။

ဣဇက်နှင့် ရေဗက္ကတို့မှာ ဧသောနဲ့ ယာကုပ်ဟူသော အမွှာ သားယောက်ျားလေး နှစ်ယောက် ထွန်းကားခဲ့တယ်။ အစ်ကိုကြီးဖြစ်သူဧသောဟာ မုဆိုး တစ်ဦးဖြစ်လာပြီး၊ တောင့်တင်းသန်မာကာ အမွှေးအမျှင်ထူသောသူ ဖြစ်သည်။ ညီဖြစ်သူယာကုပ်ကတော့ အေးအေးလူလူနေလေ့ရှိပြီး စိတ်သဘောထားကောင်းမွန်သူဖြစ်တယ်။ ဣဇက်သည် သားနှစ်ယောက်တွင် ယာကုပ်ထက် ဧသောကို ပိုချစ်ခဲ့တယ်။ အကြောင်းမှာ ဧသော ပေးတဲ့ အမဲသားကို အမြဲစားရတဲ့အတွက်ကြောင့် ဖြစ်တယ်။ မိခင်ဖြစ်သူ ရေဗက္က ကမူ ယာကုပ်ကို ပိုချစ်သူဖြစ်တယ်။

အဲဒီအချိန်ကာလတုန်းက မိသားစုတိုင်းမှာ အသက်အကြီးဆုံးသားတွေကို သားဦးဟူ၍ ခေါ်လေ့ရှိတယ်။ သားသမီးများထဲမှာ သူက ခေါင်းဆောင်ဖြစ်ပြီး ထူးခြားသော ကောင်းချီးမင်္ဂလာများကို ခံစားရသူ ဖြစ်တယ်။ ဧသောဟာ ယာကုပ်ထက် အသက်ကြီးပြီး သားဦးလည်း ဖြစ်တာကြောင့် ယာကုပ်ရရှိမယ့် ကောင်းချီးမင်္ဂလာများထက် အဆပေါင်းများစွာ ပိုပြီးရရှိမည့်သူ ဖြစ်တယ်။

တစ်နေ့မှာတော့ ဧသောဟာ အမဲလိုက်ရာကနေ ပြန်ရောက်လာတယ်။ အဲဒီအချိန်မှာ သူဟာ အလွန်ပဲဆာလောင်မောပန်းနေတယ်။ ဒါနဲ့ ယာကုပ်ထံကနေ စွပ်ပြုတ်တစ်ခွက် တောင်းသောက်တယ်။ ထိုအခါ ယာကုပ်က “ယနေ့ပင် သင်၏သားဦးအရာကို ငါ့အားရောင်းပါ” ဟုဆိုလျှင် ဧသော က “ငါသေလုပြီ။ သားဦးအရာအားဖြင့် အဘယ်အကျိုးရှိပါလိမ့်မည်နည်း။” ဟုဆိုလေ၏။ ဒီလိုနဲ့ ဧသောဟာ သားဦးအရာကို စွပ်ပြုတ်တစ်ခွက်နဲ့ လဲပစ်လိုက်တယ်။

ဣဇက်ဟာ တဖြည်းဖြည်းအသက်အရွယ် အိုမင်းလာပြီး မျက်လုံးတွေကလည်း အလွန်ပဲ ဝေဝါးလာပါတယ်။ တစ်နေ့မှာတော့ ဧသောကိုခေါ်ပြီး “မသေမီ ငါ့ဝိညာဉ်သည် သင့်ကို ကောင်းချီးပေးမည့်အကြောင်း၊ သင်၏ လက်နက်တည်းဟူသော လေးနှင့် မြှားတောင့်ကို ဆောင်ယူလျက် တောသို့သွား၍၊ ငါစားစရာဘို့ အမဲကောင်ကို ရအောင် ရှာပြီးလျှင်၊ ငါမြိန်ရှက်တတ်သော အမဲဟင်းလျာကို ငါ့ထံသို့ ယူခဲ့ပါလော့” ဟု ပြောဆိုခဲ့တယ်။

ရေဗက္ကသည် ထိုစကားကိုကြားလျှင် ကောင်းချီးမင်္ဂလာများအား ယာကုပ်တစ်ယောက်တည်းကိုသာ ရစေချင်သော စိတ်ဆန္ဒဖြစ်ပေါ်လာတယ်။ ဒါကြောင့် ယာကုပ်ကို ဧသောရဲ့ အဝတ်အစားများကို ဝတ်ဆင်စေပြီး ယာကုပ်ရဲ့ လက်မောင်းနဲ့ လည်ပင်းမှာလည်း ဆိတ်မွှေးတွေ ဆင်ယင်ပေးလိုက်တယ်။ ပြီးတော့ သူချက်ပြုတ်ထားတဲ့ အမဲဟင်းလျာနဲ့တကွ ယာကုပ်ကို ဣဇက်ထံဝင်စေတယ်။ ဣဇက်ကလည်း ဟင်းလျာကို စားပြီးသောအခါ ယာကုပ်ကို ဧသောလို့အထင်ရှိပြီး ကောင်းချီးပေးခဲ့တယ်။

ရေဗက္က ရဲ့ အကြံအစည် အောင်မြင်သွားခဲ့တယ်။
ကမ္ဘာဦးကျမ်း၊ ၂၅း၁၀-၃၄၊ ၂၆၊ ၂၇း၁-၂၉

“ဣဇက်သည်လည်း ယုံကြည်ခြင်းအားဖြင့် အနာဂတ်အရာတို့ကို အမှတ်ပြု၍ ယာကုပ်နှင့် ဧသောကို ကောင်းချီးပေး၏။” - ဟေဗြဲ ၁၁း၂၀

Friday, March 15, 2013

သမ္မာကျမ်းစာမှ လက်ရွေးစင် ပုံဝတ္ထု (၇)


သားဣဇေက်ကို ပူဇော်ဝံ့သောဖခင် အာဗြံဟံ
(ချစ်ခြင်းမေတ္တာကို မှတ်ကျောက်တင်မည့် စစ်တမ်းတစ်ခု)

ထာဝရအရှင်ဘုရားသခင်က အာဗြံအား “သင်မြင်သော မြေတစ်ပြင်လုံးကို သင်နှင့် သင်၏ အမျိုးအနွယ်အား ငါသည် ကာလ အစဉ်အမြဲပေးမည်” ဟု မိန့်တော်မူတယ်။ အာဗြံသည်လည်း ယဇ်ပလ္လင်ကိုတည်၍ ဘုရားသခင်အား ချီးမွမ်းကိုးကွယ်ခဲ့တယ်။

တဖန် ဘုရားသခင်သည် “ကြယ်များကို ရေတွက်နိုင် လျှင် ရေတွက်လော့။ သင်၏အမျိုးအနွယ်တို့သည် ထိုသို့ ဖြစ်လိမ့်မည်” ဟု အာဗြံအား မိန့်တော်မူခဲ့တယ်။ အာဗြံသည် သူ၏ သားသမီးမရှိသော်လည်း သူ၏ အမျိုးအနွယ်ကို ဘုရားသခင် ပွားများစေတော်မူမယ်ဆိုတာ ယုံကြည်စိတ်ချလျက်ရှိတယ်။

ဘုရားသခင်သည် အာဗြံအား အာဗြဟံဟူသော အမည်နာမသစ်ကို ပေးတော်မူတယ်။ နာမည်ရဲ့ အဓိပ္ပါယ်ကတော့ လူမျိုးအပေါင်းတို့၏ အဘပင်ဖြစ်တယ်။ ဘုရားသခင်သည် အာဗြဟံနှင့် ဇနီးစာရာတို့၌ သားယောက်ျားနှင့်တကွ ပိုင်ထိုက်သောပြည်ကို ပေးမည့်အကြောင်း ကတိပေးထားတော်မူတယ်။ အာဗြဟံသည်လည်း ဘုရားသခင်ကို သစ္စာရှိစွာ ဆက်လက်ဝတ်ပြုကိုးကွယ်ခဲ့လေတယ်။

တစ်နေ့သောအခါ လူစိမ်းသုံးယောက်တို့သည် အာဗြဟံရှိရာသို့ ရောက်လာခဲ့ကြတယ်။ ထိုအချိန်မှာ အာဗြဟံက အသက်တစ်ရာရှိပြီး ဇနီးသည်စာရာမှာလည်း အသက် ကိုးဆယ်ရှိပြီဖြစ်တယ်။ အဲဒီလူစိမ်းများက အာဗြဟံအား သူ၏ ဇနိး စာရာသည် သားယောက်ျားကို ရလိမ့်မယ်ဆိုတဲ့ သတင်းကို ပြောကြားခဲ့ကြတယ်။ အဲဒီအကြောင်းကို စာရာကြားတဲ့အခါ “ငါသည် အသက်အရွယ် ကြီးရင့်လှပြီ၊ အဘယ်သို့ ကလေးရနိုင်မည်နည်း” ဟု ကြိတ်၍ ပြုံးမိခဲ့တယ်။

သို့သော် ထာဝရဘုရားစေလွှတ်သော လူအသွင်ပြောင်းကောင်းကင်တမန်များက “ထာဝရဘုရား မတတ်နိုင်သောအမှု တစ်စုံတစ်ခုရှိသလော” ဟု ပြန်၍ မိန့်တော်မူခဲ့တယ်။ နောက်ဆုံးမှာ ကတိထားတော်မူသော သူငယ်သည် အာဗြဟံနှင့် စာရာတို့ မိသားစုမှာ မွေးဖွားလာခဲ့တယ်။ ဘုရားသခင် မိန့်တော်မူတဲ့အတိုင်း ကလေးအား ဣဇက်ဟု အမည်ပေးကြတယ်။ သူတို့ ဇနီးမောင်နှံဟာ ဒီကလေးအတွက် အလွန်ဝမ်းမြောက်ကြတယ်။

တစ်နေ့မှာ ဘုရားသခင်က အာဗြဟံအား “သင်သည် အလွန်ချစ်သော တစ်ယောက်တည်းသော သားဣဇက် ကို ယူ၍ မောရိပြည်သို့သွားလော့။ ငါ ပြလတ္တံ့သောတောင်ပေါ်မှာ သူကို မီးရှို့ရာယဇ်ပြု၍ ပူဇော်လော့။” ဟု မိန့်တော်မူခဲ့တယ်။ အဲဒီ မိန့်တော်မူချက်ဟာ အာဗြဟံရဲ့ ရင်ကို ပြင်းထန်စွာ နာကျင်စေခဲ့ပေမယ့်လည်း ချက်ချင်းပင် နာခံခဲ့တယ်။ ထို့နောက် သားဣဇက်ကို ခေါ်ကာ မြည်းတစ်ကောင်၊ ကျွန်နှစ်ယောက်တို့နှင့်အတူ မြောက်ဘက်စူးစူးကို စတင် ခရီးထွက်ခဲ့ကြတယ်။

သုံးရက်မြောက်သောနေ့မှာတော့ အာဗြဟံနှင့် ဣဇက်တို့နှစ်ယောက်တည်း တောင်ပေါ်ကို တက်သွားကြတယ်။ ထို့နောက် အာဗြဟံက ယဇ်ပလ္လင်ကို တည်တယ်။ ပြီးလျှင် ထင်းကိုခင်း၍ အပေါ်၌ သားဣဇက်ကို ချည်နှောင်ကာ သားအား ယဇ်ကောင်အဖြစ် ပူဇော်ရန် အဆင်သင့်ဖြစ်ခဲ့တယ်။

အဲဒီအချိန်မှာပဲ ထာဝရဘုရားရှင် ရဲ့ ကောင်းကင်တမန်က အာဗြဟံအား “ထိုလုလင်ကို မထိခိုက်နှင့်။ အလျှင်းမပြုနှင့်။ သင်သည် ဘုရားသခင်ကို ကြောက်ရွံ့သည်ဟု ယခုငါသိ၏။ အကြောင်းမူကား သင်၏သား၊ သင်၌ တစ်ယောက်တည်းသောသားကို ငါတောင်း၍ သင်သည် ငါ့ကို မငြင်း” ဟု မိန့်တော်မူခဲ့တယ်။

ထိုအခါ အာဗြဟံသည် သူ၏ နောက်နားရှိ ချုံပုတ်ထဲမှာ ချိုငြိလျက်ရှိနေတဲ့ သိုးကို မြင်ခဲ့တယ်။ မိမိသားကို သတ်၍ ယဇ်ပူဇော်မည့်အစား သိုးသူငယ်ကို ပြင်ဆင်ပေးသော ဘုရားသခင်ကို အာဗြဟံသည် အလွန်ကျေးဇူးတင်မိတော့လေသတည်း။
ကမ္ဘာဦးကျမ်း ၁၅း၁-၆၊ ၂၁း၂၂

“အကြင်သူသည် ငါ့ကို ချစ်သည်ထက် မိဘကို သာ၍ ချစ်၏။ ထိုသူသည် ငါနှင့်မထိုက်တန်။ အကြင်သူသည် ငါ့ကို ချစ်သည်ထက် သားသမီးကို သာ၍ ချစ်၏။ ထိုသူသည် ငါနှင့် မထိုက်တန်။” - မဿဲ ၁၀း၃၇

Thursday, March 14, 2013

သမ္မာကျမ်းစာမှ လက်ရွေးစင် ပုံဝတ္ထု (၆)



အာဗြံနှင့်လောတ
(ဖျက်ဆီးခြင်းခံခဲ့ရသော သောဒုံမြို့)

အာဗြံသည် မယားစာရဲ၊ တူဖြစ်သူ လောတ တို့နှင့်အတူ သူ၏ ပိုင်ဆိုင်သောပစ္စည်းဥစ္စာ၊ ကျွဲနွားတိရစ္ဆာန်၊ ကျွန်တို့ကို ယူပြီး ဥရမြို့က ထွက်ခွာလာခဲ့တယ်။ တောင်အထပ်ထပ်၊ မြစ် အသွယ်သွယ် ကို ကျော်ဖြတ်ပြီး နောက်ဆုံးမှာတော့ ခါနာန်ပြည်သို့ ရောက်လာခဲ့တယ်။ အဲ့ဒီပြည်ဟာ အာဗြံကို ဘုရားသခင် ကတိပေးထားတဲ့ တိုင်းပြည်ပဲဖြစ်တယ်။

သူတို့ဟာ အဲ့ဒီနေရာမှာပဲ နေဖို့ ပြင်ဆင်ကြပြီး ရွက်ဖျင်တဲများကို ဆောက်လုပ်ခဲ့ကြတယ်။ သူတို့၏ ငယ်သားသိုးထိန်းများက သိုးနွားတိရစ္ဆာန်များကို စားကျက်များထဲသို့ မနက်တိုင်း ထိန်းကျောင်း ခဲ့ကြတယ်။ မကြာလိုက်ပါဘူး၊ အချင်းချင်း ခိုက်ရန်ဖြစ်ပြီး ပြဿနာတက်ခဲ့ကြတယ်။ သူတို့ရဲ့ တိရစ္ဆာန်တွေအတွက် စားကျက်မြေမရှိဘဲကိုး။

ဒီလိုနဲ့ အာဗြံနဲ့ သူ့တူလောတတို့နှစ်ယောက်စလုံးဟာ အရပ်ဒေသတစ်ခုထဲမှာ အတူတူနေဖို့ အတွက် အခက်အခဲ ရှိလာတယ်။ အာဗြံဟာ သူ့တူလောတကို သူကြိုက်နှစ်သက်တဲ့ ဒေသ ကို ရွေးချယ်ခွင့် ပေးလိုက်တယ်။ လောတဟာ မြေနေရာအကောင်းဆုံးဖြစ်တဲ့ သောဒုံမြို့နားက လွင်ပြင်ကို ရွေးချယ်ပြီး တစ်ခါတည်း သူ့တိရိစ္ဆာန်၊ ကျွန်များနှင့် ပစ္စည်းဥစ္စာများကို ယူဆောင်ကာ ပြောင်းရွှေ့သွားတယ်။ အာဗြံကတော့ ခါနာန်ပြည်မှာ နေရစ်ခဲ့တယ်။

တစ်ခုသောနေ့တစ်နေ့မှာတော့ လူသုံးဦးတို့သည် အာဗြံဆီကို ရောက်လာကြပြီး သောဒုံမြို့ကလူများသည် အလွန်ဆိုးညစ်ကြတဲ့အတွက် ဘုရားသခင်သည် ထိုမြို့ကို ဖျက်ဆီးတော့မည်ဟု လာရောက်ပြောပြခဲ့ကြတယ်။ သူတို့သည် ဘုရားသခင်၏ ကောင်းကင်တမန်များ ဖြစ်ကြတယ်။ လိင်တူပေါင်းသင်းဆက်ဆံခြင်းဟာ သောဒုံမြို့ရဲ့ အကြီးမားဆုံးအပြစ်ပါပဲ၊ ဘုရားသခင်က တစ်လင်တစ်မယားစနစ်ကိုပဲ လိုချင်တယ်။ သောဒုံမြို့သားများကတော့ ဘုရားသခင်ကိုပင် ဂရုမစိုက်ခဲ့ကြပါဘူး။

အာဗြံခမျာ သောဒုံမြို့ကို မဖျက်ဆီးဖို့ ဘုရားသခင်ကို တောင်းပန်ခဲ့ရှာတယ်။ အဲဒီအတွက်ကြောင့် ဘုရားသခင်က ဖြောင့်မတ်သူဆယ်ယောက်တွေ့နိုင်တယ်ဆိုပါက အဲ့ဒီမြို့ကို မဖျက်ဆီးတော့ပါဟု အာဗြံနဲ့ သဘောတူခဲ့တယ်။ ဒါပေမယ့် ဘုရားသခင်ကို ချစ်တဲ့ လူဆယ်ယောက်တောင်မျှ ထိုမြို့မှာ မရှိခဲ့ပါဘူး။

သောဒုံမြို့သို့ ကောင်းကင်တမန်နှစ်ပါး ရောက်ခဲ့ကြတဲ့အချိန်တွင် လောတဟာ မြို့တံခါးဝမှာ ထိုင်နေခဲ့တယ်။ ခရီးဦးကြိုပြုပြီး အိမ်ကို ခေါ်သွားခဲ့တယ်။ ကောင်းကင်တမန်တွေကလည်း အဲ့ဒီမြို့ကို ဘုရားသခင် ဖျက်ဆီးတော့မည့်အကြောင်း လောတကို သတိပေးခဲ့ကြတယ်။ နောက်တစ်နေ့ ရောက်လာတဲ့အခါမှာတော့ သူတို့က “သင်သည် ထ၍ ဤအရပ်၌ ရှိသော မယားနှင့် သမီးနှစ်ယောက်ကို ခေါ်၍ မြို့ပြင်သို့ အလျင်အမြန် ထွက်ကြလော့။” ဟု သတိပေးရင်း ကောင်းကင်တမန်တို့က သူတို့ကို လက်နဲ့ဆွဲပြီး မြို့ပြင်ကို ခေါ်ထုတ်ခဲ့ကြတယ်။

အဲဒီနောက် ဘုရားသခင်သည် ကောင်းကင်က ကန့်နဲ့မီးမိုးကို ရွာစေပြီး၊ အဲ့ဒီမြို့နှင့် အနီးပတ်ဝန်းကျင်ဒေသတစ်ခုလုံးကို ဖျက်ဆီးပစ်ခဲ့တယ်။ လောတ၏ မယားမှာမူ နောက်ပြန်လှည့်မိလိုက်တဲ့အတွက် ဆားတိုင်ကြီးဖြစ်သွားခဲ့ရရှာတယ်။

ဝမ်းနည်းစရာ ပုံပြင်တစ်ပုဒ်ပါလား။ လောတက အတ္တကြီးစွာနဲ့ ကောင်းပေ့ဆိုတဲ့ လွင်ပြင်ကြီးကို ရွေးချယ်ခဲ့ပေမယ့်၊ နောက်ဆုံးမှာတော့ ရှိသမျှဆုံး၊ မယားပါ ဆုံးခဲ့ရတဲ့ဘဝနဲ့ နိဂုံးချုပ်ခဲ့ရှာတယ်။ ဘုရားသခင်က ကျွန်ုပ်တို့ကို မကောင်းမှုတွေကို ရှောင်ရှားစေချင်တယ်။ တစ်လင်တစ်မယားစနစ်ကိုပဲ ကျင့်သုံးစေချင်တယ်။ နာမခံသောသူကို ဘုရားသခင်က တရားစီရင်ပါလိမ့်မယ်။ အာဗြံကဲ့သို့ နာခံမှုရှိသောသူကိုတော့ ကောင်းကြီးမင်္ဂလာတွေကို သွန်းလောင်းပေးပါလိမ့်မယ်။
ကမ္ဘာဦးကျမ်း ၁၂၊ ၁၃၊ ၁၈၊ ၁၉

“အာဗြံသည် အမွေခံရလတ္တံ့သောပြည်သို့ ထွက်သွားမည့်အကြောင်း ဘုရားသခင် ခေါ်တော်မူသောအခါ သူသည် အဘယ်အရပ်သို့ သွားသည်ကို ကိုယ်တိုင်မသိဘဲလျက်၊ ယုံကြည်ခြင်းအားဖြင့် နားထောင်၍ ထွက်သွားလေ၏။” - ဟေဗြဲ ၁၁း၈

Wednesday, March 13, 2013

သမ္မာကျမ်းစာမှ လက်ရွေးစင် ပုံဝတ္ထု (၅)



ဗာဗုလုန်ရဲတိုက်ကြီး
(ဘာသာစကားကွဲပြားခြားနားရာ အစအဦး)

ဘုရားသခင်ဆုံးမတော်မူသော ရေလွှမ်းမိုးမှုကြီးပြီး ဆုံးသွား သည့်နောက်ပိုင်း နှစ်အနည်းငယ်ကြာသော အခါ ထိုအဖြစ်အပျက်သည် နောဧ၏ သားသမီးတို့ စိတ်ထဲတွင် မေ့မေ့ပျောက်ပျောက် ဖြစ်လာခဲ့တယ်။ သူတို့ရဲ့ မိသားစုများဟာလည်း ကမ္ဘာမြေပေါ်တွင် အလွန်ပဲ ပွားများလာခဲ့တယ်။ ဒါပေမယ့် သူတို့တွေရဲ့ စိတ်နှလုံး အကြံအစည်များဟာ တဖန် ဆိုးညစ်လာခဲ့ကြပြန်တယ်။

လူများတို့သည် ခရီးသွားလာရင်း အရှေ့အရပ်ရှိ မြေညီရာအရပ်ကို တွေ့ရှိခဲ့ကြတယ်။ ထိုအချိန်က လူများတို့ဟာ ဘာသာစကားတစ်မျိုးတည်းကိုသာ ပြောဆို သုံးစွဲကြတဲ့ကာလဖြစ်တယ်။ သူတို့ဟာ အချင်းချင်း တိုင်ပင်ကြတယ်။ “လာကြ၊ မြေကြီးတပြင်လုံး၌ အရပ်ရပ်ကွဲပြားမည်ကို စိုးရိမ်၍ မြို့ကိုလည်းကောင်း၊ မိုဃ်းကောင်းကင်သို့ မှီရသော ရဲတိုက်ကိုလည်းကောင်း တည်လုပ်သဖြင့် ကျော်စောကိတ္တိရှိစေခြင်းငှာ ပြုကြကုန်အံ့” ဟု ပြောဆိုကြတယ်။

ဒီလိုနဲ့ သူတို့ဟာ ရဲတိုက်ကြီးနှင့်တကွ မျှော်စင်ကို စတင်ဆောက်လုပ်ကြတယ်။ သူတို့ပြုသောအရာကို ကြည့်ရှုဖို့အတွက် ဘုရားသခင်သည် ကောင်းကင်ဘုံမှ ဆင်းသက်တော်မူတယ်။ သို့သော် သူတို့ ပြုသောအမှုသည် ထာဝရအရှင် ဘုရားသခင်၏ စိတ်တော်ကို ကြီးမားစွာ အနှောင့်အယှက်ဖြစ်စေခဲ့တယ်။

ထို့ကြောင့် ဘုရားသခင်က သူတို့ရဲ့ လျှာကို သူတို့တစ်ခါမျှ မပြောဘူးသော ဘာသာစကားများကို ပြောစေခြင်းဖြင့် ဘာသာစကားပေါင်းစုံ ကွဲပြားစေခဲ့တယ်။

ရဲတိုက်ကြီးနှင့်တကွ မျှော်စင်ကို ဆောက်လုပ်သူတို့ဟာ ဆက်လက်တည်ဆောက်ဖို့ မတတ်နိုင်ကြတော့ဘူး။ အကြောင်းကတော့ သူတို့ဟာ တစ်ယောက်စကား တစ်ယောက် နားမလည်ကြတော့တဲ့အတွက် ဖြစ်တယ်။ ဒီလိုနဲ့ ရဲတိုက်ကြီး ဆောက်လုပ်ခြင်းကို ရပ်ဆိုင်းရပြီး သူတို့တွေဟာလည်း ဘာသာစကားတူရာ အစုစုဖွဲ့ပြီး အရပ်ရပ်ကို ပြောင်းရွှေ့နေထိုင်ကြတော့တယ်။ အဲ့ဒီလက်စမသတ်ရတဲ့ ရဲတိုက်ကြီးရဲ့ နာမည်ကတော့ ဗာဗုလုန်ဖြစ်ပြီး သူ့ရဲ့ အဓိပ္ပါယ်ကတော့ ရှုပ်ထွေးခြင်းဖြစ်တယ်။

အချိန်ကာလ တဖြည်းဖြည်းကြာလာတဲ့အခါမှာတော့ လူတွေဟာ သစ်ပင်၊ ကျောက်တုံးတို့ကို နတ်ဘုရားများဟု ယူဆကာ ကိုးကွယ်ပူဇော်လာကြတယ်။ သူတို့က ဒီနတ်ဘုရားတွေဟာ သူတို့ ဆုတောင်းသံတွေကို နားထောင်ပြီး သူတို့ကို ကူညီမစလိမ့်မယ်လို့ ထင်ထားကြတယ်။ ဒီလူတွေဟာ စစ်မှန်သောဘုရားကို မသိကြဘူး။ ဆိုးညစ်သောအမှုများစွာကိုလည်း ကျူးလွန်လေ့ရှိတယ်။

သို့သော် သူတို့နဲ့ခြားနားတဲ့ ဥရမြို့သားတစ်ယောက်ကိုတော့ ဘုရားသခင် တွေ့ထားတယ်။ သူ့ရဲ့နာမည်က အာဗြံဖြစ်ပြီး၊ ဘုရားသခင်ကိုသာ ကိုးကွယ်ဝတ်ပြုလေ့ရှိသူဖြစ်တယ်။ သူ့ရဲ့ ပတ်ဝန်းကျင်မှာ ဆိုးညစ်သူတွေ ပြည့်နှက်နေပေမယ့်လည်း ဘုရားသခင်ရဲ့ စကားကိုသာ အမြဲတမ်း နားထောင်လေ့ရှိသူဖြစ်တယ်။ “ထာဝရဘုရားသည်လည်း အာဗြံကိုခေါ်တော်မူ၍၊ သင်၏ပြည်နှင့်တကွ အမျိုးသားချင်းပေါက်ဖော်များထဲက ထွက်ပြီးလျှင်၊ ငါပြလတ္တံ့သောပြည်သို့သွားလော့။ ငါ ကောင်းကြီးပေး၍ သင်၏နာမကို ကြီးမြတ်စေမည်။ သင့်အားဖြင့်လည်း လူမျိုးအပေါင်းတို့ ကောင်းကြီးမင်္ဂလာကို ခံကြရလိမ့်မည်။” ဟု မိန့်တော်မူတယ်။ အာဗြံသည် ဘာမျှရေရေရာရာသဘောပေါက်နားလည်ခြင်း မရှိသော်လည်း ဘုရားသခင်၏ စကားကို နားထောင်ခဲ့တယ်။
ကမ္ဘာဦးကျမ်း ၁၀၊ ၁၁း၁-၉

“လက်ရုံးတော်အားဖြင့် တန်ခိုးကို ပြတော်မူပြီ။ မာနထောင်လွှားသောသူတို့ကို ကွဲလွင့်စေတော်မူပြီ။” - လုကာ ၁း၅၁

Tuesday, March 12, 2013

သမ္မာကျမ်းစာမှ လက်ရွေးစင် ပုံဝတ္ထု (၄)



သင်္ဘောဆောက်လုပ်သူနောဧ
(ပထမဆုံးရေကြောင်းခရီးသည်များ)

ဤလောကတွင် ကမ္ဘာပေါ်၌ လူဦးရေဟာ များပြားစွာ တိုးပွားလာပြီး ဝမ်းနည်းစရာကောင်းတာ ကတော့ လူတွေဟာ အလွန်အမင်းဆိုးညစ် လာကြတဲ့အတွက် ဘုရားသခင်က သူတို့ကို ကြီးမားသော ရေလွှမ်းမိုးမှုဖြင့် တရားစီရင်ဖို့ ဆုံးဖြတ်ထားခဲ့တယ်။

ဘုရားသခင်သည် ကောင်းကင်ဘုံမှ ငုံ့ကြည့်သော အခါ နောဧ အမည်ရှိ ဖြောင့်မတ်သောသူ တစ်ယောက်ကို တွေ့ခဲ့တယ်။ နေဧဟာ ဘုရားသခင်၏ စိတ်တော်နှင့် တွေ့သော သူ ဖြစ်တယ်။ ဘုရားသခင်က ကမ္ဘာကြီး ကို ရေလွှမ်းမိုးမည့် အကြောင်းပြောရင်း နောဧ ကို ကြီးမားသော သင်္ဘောကြီး တစ်စီး တည်ဆောက် ခိုင်းတယ်။ ဘယ်လိုဆောက်ရမလဲဆိုတာကိုလည်း တိတိကျကျအသေးစိတ် ပြောပြတယ်။ ဆိုးညစ်တဲ့ လူတွေဟာ ရေမရှိတဲ့နေရာမှာ သင်္ဘောဆောက်နေတဲ့ နောဧကို ဟားတိုက်ရယ်မောကြမယ်ဆိုတာ အသေအချာပဲ။ ဒါပေမယ့် နောဧကတော့ ခပ်တည်တည်ပဲ။ ဘုရားသခင် အမိန့်တော်အတိုင်း သင်္ဘောကို ဆက်ပြီး ဆောက်လုပ်တယ်။ သူက ဘုရားသခင်ရဲ့ စကားကို အပြည့်အဝ ယုံကြည်ရုံမကသေးဘူး၊ လူတွေကို ဘုရားသခင် အကြောင်းနဲ့ မကြာခင်လာတော့မည့် ပျက်စီးခြင်းအကြောင်းကို ပြောပြတယ်။

ဒီလိုနဲ့ နှစ်တစ်ရာကျော်ကြာပြီး နောက်ဆုံးမှာတော့ သင်္ဘောကြီးဟာ တည်ဆောက်ပြီးစီးသွားတယ်။ ဘုရားသခင်က နောဧတို့ မိသားစု ရှစ်ယောက်လုံးကို သင်္ဘောကြီးထဲဝင်ကြဖို့ အမိန့်ပေးတယ်။ ဒါ့အပြင် သားရဲတိရစ္ဆာန်၊ ငှက်နှင့် တွားသွားတတ်သော တိရစ္ဆာန်တွေကို အထီးအမ တစ်စုံစီ သင်္ဘောထဲ ဝင်စေတယ်။ အကုန်လုံး အထဲမှာ နေသားတကျရှိပြီဆိုတဲ့အခါမှာတော့ ဘုရားသခင်က ဘင်္ဘောတံခါးကို ပိတ်ပစ်လိုက်တယ်။

ခုနစ်ရက်စေ့တဲ့အခါမှာတော့ ကမ္ဘာဖျက်မိုးကြီးဟာ ရက်လေးဆယ်ဆက်တိုက် မရပ်မနား စတင် ရွာသွန်းကာ မိုးကောင်းကင်တံခါးကို ဖွင့်ချလိုက်သကဲ့သို့ ပြင်းထန်စွာ ရွာချခဲ့တယ်။ ရေကြီးမှုကြောင့် တောင်ကုန်း၊ တောင်တန်းတွေ အားလုံး ရေမြုပ်ပြီး သက်ရှိလူ၊ တိရစ္ဆာန်အားလုံး သေကြေပျက်စီးကြကုန်တယ်။ နောဧ နဲ့ သူ့မိသားစုကတော့ သင်္ဘောကြီးနဲ့ အတူ မျောပါပြီး ရက်ပေါင်းများစွာ ကြာတဲ့အခါ ရေများ တဖြည်းဖြည်း လျော့သွားပြီး၊ သင်္ဘောကြီးမှာလည်း အာရရတ်တောင်ပေါ်၌ တင်ကျန်နေတယ်။ တစ်နေ့မှာတော့ နောဧဟာ သဘောင်္ပြတင်းပေါက်ကို ဖွင့်ပြီး ခိုတစ်ကောင်ကို လွှတ်လိုက်သော်လည်း ကုန်းမြေကို မတွေ့သေးတဲ့ခိုဟာ သင်္ဘောဆီကို ပြန်ရောက်လာတယ်။ တစ်ပတ်အကြာမှာ ချိုးငှက်ကို ထပ်လွှတ်လိုက်တဲ့အခါမှာတော့ ချိုးငှက်ဟာ နှုတ်သီးမှာ သစ်ရွက်လေးကိုက်ချီပြီး ပြန်လာတယ်။ ဒါနဲ့ မြေကြီးပေါ်မှာ ရေခန်းခြောက်စ ပြုတာကို ခန့်မှန်းနိုင်ပြီပေါ့။ နောက်တစ်ကြိမ် ချိုးငှက်ကို လွှတ်လိုက်တဲ့အခါ ပြန်မလာတော့ပါဘူး။ ကမ္ဘာမြေကြီးပေါ်မှာ ရေခန်းခြောက်ကြောင်း နောဧ သိလိုက်တယ်။

နောဧ တို့မိသားစုဟာ သင်္ဘောပေါ်မှ ဆင်းလာကြတယ်။ နောဧဟာ မိမိနှင့် အိမ်သူအိမ်သားအပေါင်းတို့ အသက်ရှင်ခွင့်ရသောကြောင့် ဘုရားသခင်ကို အလွန်ကျေးဇူးတင်၍ ယဇ်ပလ္လင်ကို တည်ဆောက်ကာ မီးရှို့ရာ ယဇ်ဖြင့် ပူဇော်ခဲ့တယ်။ ဘုရားသခင်သည် လှပသော သက်တန့် ကို ကောင်းကင်တွင် ပေါ်စေပြီး နောက်တစ်ဖန် ကမ္ဘာကြီးအား ရေဖြင့် လွှမ်းမိုးဖျက်ဆီးခြင်း မပြုတော့ပါဟူသော ကတိပြုခြင်း၏ လက္ခဏာဖြစ်သည်ဟု နောဧအား ဘုရားသခင် မိန့်တော်မူခဲ့တယ်။
ကမ္ဘာဦးကျမ်း ၆၊ ၇၊ ၈၊ ၉း၁-၁၈

“ကိုယ်တော်သည် မတရားသောအမှုကို နှစ်သက်သောဘုရားမဟုတ်။ ဆိုးသောသူကို လက်ခံတော်မမူ။” - ဆာလံကျမ်း ၅း၎

Monday, March 11, 2013

သမ္မာကျမ်းစာမှ လက်ရွေးစင် ပုံဝတ္ထု (၃)



ပထမဦးဆုံးသောအပြစ်
(ဧဒင်ဥယျာဉ်မှ နှင်ထုတ်ခံရခြင်း)

အာဒံနှင့်ဧဝတို့နှစ်ဦးဟာ သာယာလှပသော ဥယျာဉ်ကြီးထဲမှာ ဘယ်လောက်ကြာကြာနေထိုင်ခွင့် ရခဲ့သလဲဆိုတာကိုတော့ ကျွန်ုပ်တို့ မသိနိုင်ပါဘူး။ လူတွေက သူတို့ သူငယ်ချင်းတွေနဲ့ ရင်းရင်းနှီးနှီး စကားပြောဆက်ဆံသလိုမျိုး၊ အာဒံနှင့်ဧဝ တို့ဟာ ဘုရားသခင်ကို ပြောဆိုဆက်ဆံခွင့် ရခဲ့တယ်။ ဘုရားသခင် ပြောဆို မိန့်မှာတော်မူတဲ့အတိုင်း လိုက်လျှောက်နားထောင်လေ့ရှိပြီး အပြစ်ပြုခြင်းနှင့် ပတ်သက်၍ တစ်စုံတစ်ခုကိုမျှ သူတို့နားလည် သိရှိခြင်း မရှိသေးပေ။

တကယ်တော့ အာဒံနှင့်ဧဝ တို့နှစ်ဦးစလုံးသည် ဘုရားသခင်၏စကားကို အစဉ်အမြဲ နားထောင် တတ်ရန် သင်ယူဘို့ လိုအပ်ပါတယ်။ “ထာဝရဘုရားသခင်ကလည်း ကောင်းမကောင်းကို သိကျွမ်းရာအပင်မှတစ်ပါး ထိုဥယျာဉ်၌ ရှိသမျှ အပင်တို့၏အသီးကို သင်စားရသောအခွင့်ရှိ၏။ ထိုအပင်၏အသီးကိုကား မစားရ။ စားသောနေ့တွင် ဧကန်အမှန်သေရမည်။” ဟု သူတို့နှစ်ဦးကို မိန့်တော်မူခဲ့တယ်။

ထာဝရဘုရားသခင် ဖန်ဆင်းခဲ့တဲ့ တိရစ္ဆာန်များတွင် မြွေလည်း ပါဝင်ခဲ့တယ်။ ကျွန်ုပ်တို့အား အပြစ်လုပ်ရန် အစဉ်အမြဲသွေးဆောင်လေ့ရှိသူ စာတန်သည် မြွေယောင်ဆောင်၍ ဧဝအား အပြစ်လုပ်ရန် သွေးဆောင်တော့တာပဲ။ မြွေက ဧဝကို “သင်တို့သည် ဧကန်အမှန်သေရမည်မဟုတ်။ အကြောင်းမူကား၊ ထိုအသီးကို စားသောနေ့၌ သင်တို့သည် မျက်စိပွင့်လင်းလျက်၊ ကောင်းမကောင်းကို သိ၍ ဘုရားသခင်ကဲ့သို့ ဖြစ်ကြလတ္တံသည်ကို ဘုရားသခင် သိတော်မူစည်” ဟု မိန်းမအား ဆိုခဲ့တယ်။

ဧဝဟာ မြွေရဲ့စကားကို နားထောင်လိုက်တယ်။ ထိုအသီးကို ကြည့်ပြီး တော်တော် အရသာ ရှိမယ့်ပုံစံပဲလို့ တွေးရင်း ဒီအသီးကိုစားရရင် ဉာဏ်ပညာတိုးပွားလာမယ်လို့ တထစ်ချ ယုံကြည်လိုက်တယ်။ ဘုရားသခင်ရဲ့ စကားကို ဂရုမစိုက်ဘဲ အသီးကို ခူးစားလိုက်တယ်။ အာဒံကိုလည်း တချို့တဝက်ကို ပေးပြီး စားစေတယ်။ အဲဒီညနေမှာ ဘုရားသခင် ကြွလာတော်မူသော အသံကို ကြားရပေမယ့်လည်း အရင်လို မတွေ့ရဲဘဲ ကြောက်ကြောက်နဲ့ ပုန်းရှောင်ဖို့ ကြိုးစားခဲ့ကြတယ်။

သူတို့ရဲ့ မနာခံမှုကြောင့် ဘုရားသခင်က ဧဝ ကို “သင်၌ ကိုယ်ဝန်ဆောင်ရခြင်းဝေဒနာကို ငါ အလွန်များပြားစေမည်။ ပင်ပန်းစွာဝေဒနာခံ၍ သားဖွားရမည်။ ကိုယ့်ခင်ပွန်း၏ အိုသို့လိုက်၍ သူ၏ အုပ်စိုးခြင်းကိုလည်း ခံရမည်ဟု မိန့်တော်မူ၏။” အာဒံကိုလည်း ဘုရားသခင်က “ထိုအပင်၏ အသီးကို မစားရဟု ငါ ပညတ်သော်လည်း၊ သင်သည် မယား၏ စကားကို နားထောင်၍ စားမိသောကြောင့် မြေသည် သင်၏ အတွက် ကျိန်ခြင်းကို ခံလျက်ရှိ၏။ ဆူးပင်အမျိုးမျိုးတို့ကိုလည်း သင့်အဖို့ မြေပေါက်စေမည်။” ဟု မိန့်တော်မူတယ်။ ထို့အတူ မြွေသည်လည်း ထာဝရအရှင်ဘုရားသခင်၏ ကျိန်တော်မူခြင်းကို ခံခဲ့ရတယ်။

အာဒံနှင့်ဧဝ တို့ဟာ သူတို့ပျော်ရွှင်စွာ နေထိုင်ခဲ့ကြတဲ့ ဥယျာဉ်ကြီးထဲမှာ ဆက်ပြီးနေထိုင်ခွင့်မရှိတော့ပါဘူး။ ဘုရားသခင်က သူတို့ကို နှင်ထုတ်လိုက်ပြီး မီးစက်လက်နက်ကိုင်ထားတဲ့ကောင်းကင်တမန်တွေကို ဥယျာဉ် ဝင်ပေါက်မှာ အစောင့်ချထားလိုက်ပါတော့တယ်
ကမ္ဘာဦးကျမ်း ၃

“အကြောင်းမူကား တစ်ယောက်သောသူသည် နားမထောင်သောအားဖြင့် လူများတို့သည် အပြစ်ရောက်သည့်နည်းတူ၊ တစ်ယောက်သောသူသည် နားထောင်သောအားဖြင့် လူများတို့သည် ဖြောင့်မတ်ရာသို့ ရောက်ရကြ၏။” - ရောမသြဝါဒစာ ၅း၁၉

Sunday, March 10, 2013

သမ္မာကျမ်းစာမှ လက်ရွေးစင် ပုံဝတ္ထု (၂)



အာဒံနှင့်ဧဝ
(ပထမဦးဆုံးလူသားနှင့် အသက်ရှင်သူအပေါင်းတို့၏အမိ)

ဖန်ဆင်းခြင်း၏ ဆဌမနေ့မှာတော့ ဘုရားသခင်ဖန်ဆင်းထားသော ကမ္ဘာကြီးသည် ရှုမငြီးဖွယ် တင့်တယ်လှပနေပြီ ဖြစ်တယ်။ မြက်ခင်းပြင်ကြီးများ စိမ်းလန်းနေကြပြီး၊ ပန်းပေါင်းစုံဖူးပွင့်ဝေဆာ ကာ ကျေးငှက် တိရစ္ဆာန်တို့၏ အော်မြည်သံများ ကလည်း သစ်တောများတလျှောက် ရိုက်ခတ် လျက်ရှိတယ်။

သို့သော် ကမ္ဘာကြီးပေါ်၌ လူဟူ၍ မရှိသေးပါ။ ထို့အတူ အိမ်များ၊ ယာတောစိုက်ခင်းများနှင့် မြို့များလည်း မရှိသေးသော အချိန်ကာလဖြစ်တယ်။ သစ်ပင်အောက်၌ ဆော့ကစားနေသော ကလေးများကိုလည်း မတွေ့ရပေ။ ကမ္ဘာကြီးကတော့ လူယောက်ျားနှင့် လူမိန်းမတို့ ဝမ်းမြောက်စွာ နေထိုင်ဖို့ရန် အသင့် ဖြစ်နေပြီ ဖြစ်တယ်။

“တဖန် ဘုရားသခင်က ငါတို့ ပုံသဏ္ဌာန်နှင့်တညီ တသဏ္ဌာန်တည်း လူကို ဖန်ဆင်းကြစို့။ သူသည် ဝိညာဉ်ကို ပိုင်ဆိုင်ပြီး ပင်လယ်ငါးတို့ကို၎င်း၊ မိုဃ်းကောင်းကင်ငှက်တို့ကို၎င်း၊ သားယဉ်တို့ကို၎င်း၊ မြေတစ်ပြင်လုံးနှင့်တကွ မြေပေါ်မှာတွားတတ်သော တိရစ္ဆာန်အပေါင်းတို့ကို၎င်း အုပ်စိုးစေဟု အမိန့်တော်ရှိ၏။”

အဲဒီနောက် ဘုရားသခင်သည် မြေမှုန့်ကို ယူ၍ လူကို ပုံသွင်းပြီး သူ၏ နှာခေါင်းထဲသို့ ဇီဝအသက်ကို မှုတ်သွင်းတယ်။ ပြီးတဲ့အခါ လူဟာ အသက်ရှင်သော သတ္တဝါအဖြစ်သို့ ရောက်လာတယ်။ ထိုပထမဦးဆုံး လူသားကို ဘုရားသခင်သည် အာဒံဟု အမည်နာမပေးတော်မူတယ်။

လူသားအတွက် နေစရာအိမ်အဘို့အလို့ငှာ ဘုရားသခင်သည် ဧဒင် အမည်ရှိသော ဥယျာဉ်ကို ပြုစုပြီး လူကို နေရာချတော်မူတယ်။ အာဒံ၏ တာဝန်မှာ ဧဒင်ဥယျာဉ်အား ထိန်းသိမ်းစောင့်ရှောက်ရန်ပင်ဖြစ်တယ်။ ဘုရားသခင်သည် သူဖန်ဆင်းထားသော တိရစ္ဆာန်များအားလုံးကို အာဒံရှိရာသို့ ခေါ်ဆောင်လာကာ အာဒံအား စိတ်ကြိုက်နာမည်ပေးစေခဲ့တယ်။ ထိုအခါမှ အာဒံသည် တိရစ္ဆာန်များတွင် အဖိုနှင့်အမ နှစ်မျိုးရှိကြောင်းကို သတိပြုမိတော့တယ်။

တကယ်တော့ အလွန်လှပပြီး လိုလေသေးမရှိအောင် ပြည့်စုံတဲ့ဤဥယျာဉ်ကြီးထဲမှာ အာဒံအတွက် သင့်တော်သော အဖော်မရှိသေးပါ။ ထို့ကြောင့် “ထာဝရဘုရားသခင်ကလည်း ယောက်ျားသည် တစ်ယောက်တည်း မနေကောင်း၊ သူနှင့်တော်သော အထောက်အမကို သူ့အဘို့ ငါလုပ်ဦးမည်ဟု အကြံရှိတော်မူ၏။”

ဘုရားသခင်သည် အာဒံအား ကြီးစွာသော အိပ်ခြင်းနှင့် အိပ်စေတော်မူပြီး သူ၏ ကိုယ်မှ နံရိုးတစ်ချောင်းကို ထုတ်၍ လူမိန်းမအား ဖန်ဆင်းတော်မူတယ်။ အာဒံက သူမအား ဧဝ လို့ အမည်ပေးခဲ့တယ်။ သူတို့နှစ်ဦးဟာ ချစ်ချစ်ခင်ခင်၊ ကြင်ကြင်နာနာနဲ့ ဘုရားသခင်နေရာချထားတဲ့ ဤဥယျာဉ်ကြီးထဲမှာ ပျော်ရွှင်စွာနေထိုင် ခဲ့ကြတယ်။
ကမ္ဘာဦးကျမ်း ၁း၂၆၊ ၂

“အကျွန်ုပ်သည် ကြောက်မက်ဖွယ်သောလက္ခဏာ၊ ထူးဆန်းသောလက္ခဏာတို့နှင့် ပြည့်စုံသည်ဖြစ်၍၊ ကိုယ်တော်ကို ချီးမွမ်းပါသည်။” - ဆာလံကျမ်း ၁၃၉း၁၄

Saturday, March 9, 2013

သမ္မာကျမ်းစာမှ လက်ရွေးစင် ပုံဝတ္ထု (၁)



ဘုရားသခင်၏ အံ့သြဖွယ်ဖန်ဆင်းခြင်း
(အစအဦး)

သမ္မာကျမ်းစာကို ဘုရားသခင်၌သာ အစပြုထားပါတယ်။ ဘုရားသခင်ဟာ အထက်အရပ်ရှိ လှပသော ကောင်းကင်ဘုံကို ဖန်ဆင်းခဲ့သလို၊ ကျွန်ုပ်တို့နေထိုင်ဖို့အတွက်လည်း ကမ္ဘာမြေကြီးကို ဖန်ဆင်းပေးခဲ့ပါတယ်။ တစ်ချိန်တုန်းက တစ်လောကလုံးအမှောင်ဖုံးပြီး၊ ကျေးငှက်၊ တိရစ္ဆာန်တွေလည်းမရှိ၊ ကလေးငယ်တွေရဲ့ ရယ်မောသံတွေလည်း မရှိတဲ့ ကာလတစ်ခု ရှိခဲ့ဖူးတယ်။

ဒီအချိန်မှာပဲ အလင်းဖြစ်စေဖို့၊ အမိန့်ပေးသံတစ်ခု ထွက်ပေါ်လာတယ်။ ချက်ခြင်းဆိုသလို အလင်း ဖြစ်ပေါ်လာတယ်။ ဘုရားသခင်က အလင်းနဲ့ အမှောင်ကို ခွဲခြားလိုက်ပြီး အလင်းကို နေ့၊ အမှောင်ကို ည ဆိုပြီး နာမည်သတ်မှတ်ပေးလိုက်တယ်။ ဒါတွေဟာ ဖန်ဆင်းခြင်းရဲ့ ပထမဦးဆုံးနေ့မှာ ဖြစ်တယ်။

ဒုတိယနေ့မှာတော့ ဘုရားသခင်က သာယာလှပတဲ့ ကမ္ဘာကြီးကို ဖန်ဆင်းတဲ့လုပ်ငန်းကြီးကို စတင် လိုက်ပါတယ်။ မိုးကောင်ကင်နဲ့ ရေကို သတ်သတ်စီခွဲထုတ်ပစ်လိုက်တယ်။ ဒီတစ်ခါမှာ တိမ်တောင်၊ တိမ်တိုက်တွေနဲ့ အပြာရောင် မိုးကောင်ကင်ကြီး ပေါ်ထွက်လာတယ်။

တတိယနေ့မှာ ဘုရားသခင်က ကုန်းမြေကို ပေါ်စေပြီး၊ ရေများကို ပင်လယ်၊ မြစ်ချောင်းများ အဖြစ် ပြောင်းလဲ စုစည်းပြီး စီးဆင်းစေခဲ့တယ်။ လွင်ပြင်၊ တောင်ကုန်း၊ တောင်တန်းများကိုလည်း မြက်ပင်၊ ပန်းပင်၊ စပျစ်ပင်၊ သစ်ပင်များနဲ့ ပြည့်စေတယ်။ သရက်သီး၊ ပန်းသီး၊ လိမ္မော်သီး၊ စပျစ်သီးနဲ့ ဒူးရင်းသီးများကိုလည်း သစ်ပင်များနဲ့ ချုံပင်များတို့၌ သီးစေတော်မူတယ်။

စတုတ္ထနေ့မှာတော့ နေ့ ဟု ခေါ်ဝေါ်သည့် ဝါဝင်းတောက်ပသော အလင်းအိမ်ကြီးကို ကောင်းကင်မှာ ချိတ်ဆွဲလိုက်တယ်။ ညနေပိုင်းမှာတော့ ကြည်လင်လင်းလက်သည့် လ နဲ့တကွ မြောက်မြားလှစွာသော ကြယ်တို့ကိုလည်း အတန်းလိုက်နေရာချတော်မူတယ်။

ပဉ္စမမြောက်နေ့မှာတော့ နေရာတိုင်းမှာ ဝက်ဝက်ကွဲဆူညံနေတယ်။ ဘုရားသခင် ဒီနေ့မှာတော့ ဘာများ ဖန်ဆင်းမိပါလိမ့်။ ဒီနေ့မှာတော့ မိုးကောင်ကင်အပြည့် ပျံသန်းနေသော ငှက်များနဲ့ ရေမှာကူးခတ်နေသော ငါးများကို ဖန်ဆင်းတော်မူတယ်။ ဖန်ဆင်းရာမှာလည်း အရောင်စုံ၊ အရွယ်အစားမျိုးစုံနှင့် ပုံစံမျိုးစုံ ဖန်ဆင်းတော်မူတယ်။ ဝေလငါး၊ ရွှေငါး၊ ဘဲငန်း၊ ငှက်ကုလားအုတ်နဲ့ ကြိုးကြာငှက်တို့ဟာ ဘုရားသခင်၏ ဖန်ဆင်းခြင်းလက်ရာများအထဲက အချို့သာ ဖြစ်တယ်။

သားယဉ် သားရဲများနှင့် တွားသွားတတ်သော သတ္တဝါမျိုးစုံတို့ကို များပြားစွာ မွေးဖွားပေးစေဟု အမိန့်တော် ရှိသည့်အတိုင်း ဆဌမနေ့၌ များပြားစွာ မွေးဖွားကြကုန်တယ်။ နွားများ၊ မြင်းများ၊ သိုးများ၊ ခွေးများ၊ ကြောင်များကို ခြင်္သေ့၊ ကျား၊ ဝက်ဝံ၊ ယုန်တို့နှင့်အတူ ဖန်ဆင်းတော်မူတယ်။ ဒါဟာ ဆဌမနေ့မှာ ဘုရားသခင်ဖန်ဆင်းမဲ့ ပထမဦးဆုံးလူသားအတွက် အလွန်ထူးခြားသော မွေးနေ့လက်ဆောင် ပင်ဖြစ်တယ်။ ထိုသူ၏ အမည်ကို သင်သိပါသလား။ နောက်လာမည့် အခန်းမှာတော့ သူ့အကြောင်းကို သင် ဖတ်ရှုရမှာပါ။

သတ္တမနေ့မှာတော့ ဘုရားသခင်ဟာ ဖန်ဆင်းတော်မူသော အရာများတို့ကို ပြီးစီးပြီးဖြစ်သည့်အတွက် ငြိမ်ဝပ်စွာ နေတော်မူတယ်။ သန့်ရှင်းတဲ့နေ့လို့လည်း မှည့်ခေါ်ခဲ့တယ်။
ကမ္ဘာဦးကျမ်း ၁၊ ၂း ၁၃

“ယခုမြင်ရသောအရာတို့သည် အရင်က ထင်ရှားသောအရာထဲက မဖြစ်ဘဲ၊ လောကဓါတ်တို့သည် ဘုရားသခင်၏ အမိန့်တော်ကြောင့်သာ တည်သည်ကို ငါတို့သည် ယုံကြည်ခြင်းအားဖြင့် သိကြ၏။” - ဟေဗြဲသြဝါဒစာ ၁၁း၃

Friday, March 8, 2013

သန့်ရှင်းသောဝိညာဉ်တော်နှင့် ပြည့်ဝသောအသက်တာ


သိုးသူငယ်ကဲ့သို့ ကျိုးပဲ့ကြေမွနှိမ့်ချသောစိတ်၊ သူတပါးအတွက် အစေခံလိုသော ဆုံးဖြတ်ချက်ရှိသော တပည့်တော် အသက်တာကို ခံယူသောသူတို့အထဲ၌၊ သန့်ရှင်းသော ဝိညာဉ်တော်သည် ကျိန်းဝပ်တော်မူသည်သာမက မိမိ ပုဂ္ဂိုလ်တော်မြတ်အားဖြင့်လည်း ပြည့်ဝလာစေတတ်ပါသည်။ သန့်ရှင်းသော ဝိညာဉ်တော်သည် သမ္မာတရားနှင့်ဆိုင်သော ဝိညာဉ်တော်လည်း ဖြစ်သောကြောင့်၊ နှုတ်ကပတ်တော်ကို အမြဲဖတ်ရှု၊ လေ့လာ၊ ဆင်ခြင် လိုက်လျှောက်သောသူသည်၊ ဝိညာဉ်တော်၏ အုပ်ထိန်းမှုအောက်၌ ရှိသောသူ ဖြစ်၍ ဝိညာဉ်တော်ဆုကျေးဇူးများ၊ အသီးများလည်း ပေါ်ထွက်လာစေမည်။

• ဝိညာဉ်တော်အုပ်ထိန်းမှုကို ခံယူသူသည် ယစ်မူးသောအရာ၊ ဒုစရိုက်အမူအကျင့်များကို ရှောင်ပြီး၊ ဝိညာဉ်တော်၏ ဆုံးမ သွေးဆောင်မှုကိုသာ ခံယူသည်။ (ဧဖက်၊ ၅း၃၊ ၄၊ ၁၈)။
• ဆာလံဓမ္မသီချင်းအမျိုးမျိုးကို နူးညွတ်သောစိတ်နှင့် ဘုရားသခင်ရှေ့တော်၌ ရွတ်ဖတ်သီဆိုသော အလေ့အထ ရှိပါသည်။ (ဧဖက်၊ ၅း၁၉-၂၀)။
• အကောင်းအဆိုး မခွဲခြားဘဲ အခြေအနေအမျိုးမျိုး၌၊ အရာရာအတွက်၊ သခင်ယေရှုနာမ၌ ကျေးဇူးတော်ကို ချီးမွမ်းပြီး ခမည်းတော်၏ အလိုတော်ကို ဝန်ခံ၍ ဂုဏ်တော်ကို ချီးမွမ်းနေတတ်ပါသည်။
• ဝိညာဉ်တော်အုပ်ထိန်းခွင့်ပေးသောသူသည် အပြစ်ကို ရွံ့မုန်းလာပြီး၊ သန့်ရှင်းဖြောင့်မတ်စွာ အသက်ရှင်လိုသည်။ ရှင်လာနိုင်သည်။ ဝိညာဉ်တော်အုပ်စိုးခွင့်ရလာသည်နှင့်အမျှ၊ ထိုသူသည် သဘောထားပျော့ပြောင်းလာသည်။ ခက်ထန်မှု၊ ရန်လိုမှု လျော့နည်းလာသည်။
• ကျေးဇူးတရားကို သိရှိ ခံစားလာရသည်နှင့်အမျှ၊ သူတပါးအပေါ် ခွင့်လွှတ်သည်းခံနိုင်စွမ်း တိုးမြှင့်လာတတ်ပါသည်။ (ဧဖက်၊ ၄း၃၂)။
• ညည်းငြူမြည်တမ်းခြင်းအစား၊ အလိုတော်ကို ဝန်ခံလျက်၊ ကျေးဇူးတော် ချီးမွမ်းလာတတ်ပါသည်။
• ဝိညာဉ်တော်အုပ်ထိန်းသူသည် နှုတ်လျှာကို ထိန်းတတ်လာပါသည်။ (ဧဖက်၊ ၄း၂၉-၃၁)။
• အခြားအရာများ၊ လူပုဂ္ဂိုလ်များထက် သခင်ယေရှု၏ နှုတ်တော်ထွက်စကားကို အလေးထား၊ အကြွင်းမဲ့ ခံယူလာပြီး ပုဂ္ဂိုလ်တော်မြတ်နှင့် မိဿဟယဖွဲ့လျက် ချီးမွမ်းကိုးကွယ်နေရခြင်း၌ ကျေနပ်အားရနှစ်သက်နေတတ်ပါသည်။ (ယော၊ ၁၆း၁၃-၁၄။ ဖိလိပ္ပိ၊ ၄း၎-၉)။

သင့်အားဖြင့် ထာဝရဘုရားသခင် ဘုန်းတော်ထင်ရှားပါစေသောဝ်။ အာမင်။


(ဆရာတော် ဦးယောသပ် ၏ ဒေသနာမှ ကောက်နုတ်ချက်)