Sunday, January 13, 2013
ကိုသာဖြူ ဆိုတဲ့ ပထမဆုံးကရင်လူမျိုး နှစ်ခြင်း ခရစ်ယာန်သာသနာပြု ပုဂ္ဂိုလ်ကြီးရဲ့ အကြောင်းကို ကရင် နှစ်သစ်ကူး အထူးအစီအစဉ်အဖြစ် တင်ဆက်လိုက်ရပါတယ်။ (Admin)
၁၇၇၈ ပုသိမ်မြို့ အနီး ဦးတွရွာတွင်
မွေးဖွားသည်။ ပထမဆုံး ကရင်အမျိုးသာ နှစ်ခြင်းခရစ်ယာန်ဖြစ်သည်။ အသက်၁၅နှစ်အရွယ်ထိ
မိဘများနှင့်နေထိုင်ခဲ့ရာတွင် ဆိုးသွမ်းပြီး၊ ထိမ်းမရသော လူငယ်ဖြစ်ခဲ့သည်။
မိဘအိမ်မနေတော့ပဲ လုယက်ဆိုးသွမ်းသူ၊ လူသတ်သမားဖြစ်လာသည်။ သူ၏ သက်သေခံချက်အရ
လူ၃၀ထက်မနည်း သတ်ဖြတ်ခဲ့သည်။ အကြွေးအကြီးကျယ်တင်ပြီးနောက် မော်လမြိုင်ဈေးတွင်
ကျွန်အဖြစ်ရောင်းချခြင်းခံရသည်။ ဆရာကြီးယုဒသန်၏ တပည့်ဖြစ်သော ဦးရွှေဘေ ဆိုသူက
ဝယ်ယူခဲ့သည်။ ဆရာကြီးယုဒသန် (ဂျပ်ဆင်) သည် ပထမဆုံး မြန်မာနှစ်ခြင်းခရစ်ယာန်
မစ်ရှင်စတင်သူဖြစ်သည်။ ဦးရွှေဘေသည် ကိုသာဖြူကို စာသင်ပေးရာတွင် သိပ်အဆင်မပြေလှပါ။
ဆရာကြီးယုဒသန်ထံ အပ်နှံသင်ကြားပေးရာ စာရေး၊စာဖတ် တတ်လာခဲ့သည်။
၁၈၂၇ ဧပြီလ ၂၂ရက်နေ့ ဆရာကြီးယုဒသန် နေ့စဉ်မှတ်တမ်းတွင် "မောင်ရွှေဘေ ပိုင်ဆိုင်သည့် သနားစရာမောင်သာဖြူ" ဟု ရေးထားသည်။ ဆရာကြီးယုဒသန်က မောင်သာဖြူကို ကရင်အမျိုးအနွယ်ဟု ဆိုသည်။ သာမန်ဥာဏ်ရည်ရှိသည်။ မှောင်မိုက်စိတ်သဘောနှင့် ပစ္စလက်ခတ်နိုင်လှ၍ ဒေါသကြီးသော စိတ်သဘာဝရှိသူဖြစ်ပြီး ဆရာကြီးယုဒသန်နှင့် လပေါင်း အတော်ကြာ နေထိုင်ခဲ့သည် .. ဟု ရေးသားထားသည်။ ဆုတောင်းခြင်းများစွာ ကြိုးစားလုပ်ဆောင်ခြင်းဖြင့် ဘ၀သစ်သို့ စတင်နိုင်ခဲ့သည်။
ခရစ်ယန် အခြေခံကျင့်ဝတ်များကို သင်ကြားပေးခဲ့ပြီးသည့်နောက် ကိုသာဖြူသည် မော်လမြိုင်မြို့ရှိ ခရစ်ယာန်ဘုရားကျောင်းငယ်တခု၏ အသင်းသားဖြစ်လာခဲ့သည်။ နောက်ပိုင်းတွင် ကရင်လူမျိုးများအတွက် ပထမဆုံးသာသနာပြုဆရာကြီးဖြစ်သူ ဂျော့ခ်ျ ဒါနာဘုတ်မင် နှင့်အတူ ထားဝယ်မြို့သို့ ရောက်လာပြီး ၁၈၂၈တွင် နှစ်ခြင်းခံခဲ့သည်။ နယ်လှည့်တရားဟောခြင်းများကို ထားဝယ်မှ ထိုင်းနိုင်ငံသို့၊ မုတ္တမ မှ ချင်းမိုင်၊ ရန်ကုန်မှ ရခိုင်ပြည် စသဖြင့် ခရီးစဉ်များ ထွက်ခဲ့သည်။ သူသည် ကရင်များ ရာနှင့်ချီပြီး ပြောင်းလဲလာစေခဲ့သည်။
နှစ်ခြင်းခံပြီးသည့်နောက် သူ့နေရပ်မှ ကရင်မိတ်ဆွေများထံ သွားရောက်ပြီး၊ ခရစ်တော်အကြောင်း ပြောကြားရန် ခွင့်တောင်းခဲ့သည်။ ပထမဆုံး ကရင်လူမျိုး သာသနာပြုလုပ်ငန်းကို လုပ်ဆောင်ခဲ့သည်။ ကိုသာဖြူ ဟောကြားချက်များနားထောင်ရန် ကရင်အချို့ ၂ရက်ကြာ ခရီးထွက်၊လာရောက် ခဲ့ကြသည်။ ဒေသခံများက ကိုသာဖြူသည် ယခင်က လူဆိုးဖြစ်ခဲ့သော်လည်း အခု ယုံကြည်စိတ်ချရသူ၊ အောင်မြင်သော သာသနာပြုဆရာအဖြစ် အသိအမှတ်ပြုခဲ့ကြသည်။ ကိုသာဖြူသည် သိက္ခာတင်တရားဟောဆရာ မဖြစ်ခဲ့ပါ။ သို့သော် သမ္မာကျမ်းစာကို ကရင်ဘာသာပြန်ဆိုရာတွင် ပါဝင်လုပ်ဆောင်ခဲ့သူတဦး ဖြစ်သည်။ မျက်စေ့ မမြင်ဖြစ်ခဲ့ပြီးနောက် ဖေဖေါ်ဝါရီး ၁၈၄၀တွင် ပုသိမ်မြိုအနီး၊ စံတောဝေးတွင် နေထိုင်ခဲ့သည်။ စက်တင်ဘာ(၉)ရက် ၁၉၄၀ တွင် ခေါ်တော်မူခြင်းကို ခံရသည်။ ဘုရားရှင်သည် သူ၏သာသာနာပြုပြုကို ကောင်းကြီးပေး၊ အောင်မြင်စေခဲ့သည်။ သူ၏ မစ်ရှင်ခရီးသည် ၁၈၂၈-၁၈၄၀ (၁၂)နှစ်ကြာမြင့်ခဲ့စဉ် ရွာပေါင်း၁၂ရွာ ပြောင်းလဲ၊ ရွာသားပေါင်း ၁၂၇၀ခန့် ခရစ်တော်ကို လက်ခံခဲ့ကြသည်။ သေဆုံးပြီးနောက် အုတ်ဂူမကျန်ရစ်သော်လည်း တောင်ပေါ်မှ ကရင်ခရစ်ယာန်ရွာများမှာ ကိုသာဖြူအထမ်းအမှတ်ဖြစ်သည်။ နောက်ဆုံးအချိန်အထိ သူ့အနာဂါတ်အတွက် စိုးစင်မှ ပူပန်မှုမရှိပေ။ ဘုရားသခင်က သူ့အတွက် ထာဝရ နေရာအခန်းပြင်ဆင်ထားသည် ဟု ယုံကြည်သူဖြစ်သည်။
မှတ်ချက်။ ဗုဒ္ဓရာဇ၀င်မှ အင်ဂုလိမာလာလို မြန်မာပြည်သားတစ်ဦးဖြစ်သည်။ ပုသိမ်မြို့တွင် ကိုသာဖြူကျမ်းစာသင်တန်းကျောင်း (တိုင်တရာ) ရှိသည်။ လွန်ခဲ့တဲ့နှစ်ပေါင်း(၁၀၀)ခန့်တွင် ဘဲဂယက်တောရွာလေးမှာနေ ကိုသာဖြူ(တိုင်တစ်ရာ)အထက်တန်းကျောင်းကို တက်ပြီး အင်္ဂလန်ကပေးသည့် ၀တ်လုံဘွဲ့ကို မြန်မာပြည်သားအနေနဲ့ ပထမဆုံးရယူနိုင်ခဲ့သော ကရင်အမျိုးသားတစ်ဦး ရှိနေခဲ့သည်။ ကိုသာဖြူ(တိုင်တစ်ရာ)ကရင်အထက်တန်းကျောင်းသည် ပညာတတ်ကရင်အမျိုးသားများ မွေးထုတ်ပေးသည့် ကျောင်းတော်ကြီးဖြစ်သည်။၁၈၉၀-ခုနှစ်ပတ်ဝန်းကျင်တွင် အမေရိကန်ပြည်၊ နယူးယောက် အယ်ဗားနီးဆေးတက္ကသိုလ် ကနေ ဆေးပညာပါရဂူဘွဲ့ကို ရယူခဲ့သော ဒေါက်တာ ဆာ စံစီဖိုး သည်လည်း ကိုသာဖြူကျောင်းထွက်တစ်ယောက်ဖြစ်သည်။
Credit: BurmeseBible Blog မှ ပြန်လည်ကူးယူတင်ပြပါသည်။
Subscribe to:
Post Comments (Atom)
0 comments:
Post a Comment